Nos Cůnradus dei gratia abbas sancti Galli¹ notum facimus universis presentes litteras inspecturis, quod in || nostra presentia constitutis Hartmanno iuniore de Baldegge² et Gepa uxore ipsius filia quondam Waltheri || de Eielgôwe³ militis, dicta Gepa de consilio et consensu V^olrici dicti Giel⁴, qui sibi pro tutore seu advolcato exigente iustitia fuerat deputatus, ac mariti sui Hartmanni predicti castrum Eilgôwe⁵ cum omnibus bonis feodalibus ad dictum castrum spectantibus ac alia bona universa ubicumque existentia tam in hominibus quam rebus aliis quibuscumque, que a nobis et ecclesia nostra sancti Galli iure tenuit feodali, non coacta non seducta ad manus nostras libere resignavit, illis bonis dumtaxat exceptis, que ipsa et Eberhr. miles de Eielgôwe⁶ patruelis suus feodali iure conmuniter possident indivise. Dictus etiam Hartmannus omnia feoda, que a nostra possedit ecclesia, ad manus nostras modo consimili absolute et voluntarie resignavit. Nos vero attendentes illustrium virorum Alberti et Růdolfi ducum Austrie et Styrie^a) comitum de Habsburc et de Kiburc serenissimi domini R. Romanorum regis filiorum⁷ affectum, quo ecclesiam nostram sancti Galli prosequntur^b) indefesse dicte ecclesie nostre in hac parte procurando utilitatem pariter et honorem, eisdem dominis ducibus et ipsorum heredibus concedimus et concessimus dicta bona in feodum ab ecclesia sancti Galli perpetuo et pacifice possidenda presencium testimonio litterarum. Datum Baden⁸, anno domini millesimo CC.LXXX°.IX°. IIII. idus maii, indictione secunda.

Source Fulltext: Chartularium Sangallense IV, Nr. 2213, S. 338-339.