Wir Cv^onrat von gotes genadun abte des gozhuses ze sante Gallen¹ tv^eien kunt || allen, die dise brieve ansehent oder ho^erent lesen, das wir die sazzunge enpfanzwîse, || die herre Willehelmen vnser vorvar² Cv^onrat dem Ko^vfman von Wile³ an der mulstat || ze Riggenbach⁴ vnd swas dar zů ho^eret gesezzet vnd getan hat vmbe dri marke silbers vmbe sinen dienst, den er im vnd dem gozhuses^a) ze sante Gallen hat getan vnd noch tv^en sol, staete habin, vnd viriehen an disen brieven, das das selbe mulstat vmb das vorgenamte silber sin rehtes pfant si vnd es vrilich hân sul als en rehtes pfant, vnz das der vorgenamte Cv^onrat volleclich von vns oder von vnserm gozhuse der dri marke gewert werde. Dar ubir ze ainem offen vrkunde vnd ze ainer vestenunge gebin wir dem vorgenamten Cv^onrat disen brief gevestenot mit vnserm insigel. Dirre brief wart gegebin vor dem gesesse ze Iberc⁵, do man zalt von vnsers herren geburte tusent jar, zwaihundert jar, nivnzek jar, an dem maentage nach dem sunnentag, do man sanc Reminiscere.

Source Fulltext: Chartularium Sangallense IV, Nr. 2232, S. 350-351.