Omnibus presencium inspectoribus Fridericus miles et Swigerus germani dicti Tumben de Nuwenburch¹ noticiam rei geste. Veritatis || sequentes vestigia scire volumus universos, quod nos facta peimutacione cum Eber. dicto de Kobelon² de curia sua sita prope Muntigel³ dicta vulgariter || hinder der burch⁴, que annuatim in redditibus ad summam XXV solidorum denariorum Const(antiensium) se extendit, iure proprietatis ipsi Eber. pertinente, eidem Eber. || in recompensam sive concambium iamdicte curie sue tradidimus redditus decem solidorum denariorum Const(antiensium) singulis annis de redditibus navigii, quod vulgo dicitur daz var ze Gamperrin⁵, et sex modiorum avene de eodem, item de possessionibus seu bonis nostris apud Escha⁶ redditus decem quartalium et in Valgendige⁷ redditus sex quartalium mixti frumenti mensure in Veltkilch⁸. Super curia autem dicta der houe ze Blattun⁹, quam Alber. dictus ze dem Bo^vngarten excolit, singulis annis ad summam XXV solidorum in redditibus computata, Růd. dicto der Wilde Behain de Birchach¹⁰, Hainr. et Alber. fratribus de Kobelon pertinente, perrnutacionem seu concambium cum eisdem R., H. et Alber. fecimus in hunc modum, videlicet quod nos eidem R. in recompensam seu refusionem sue partis tradidimus agros dictos an dem Zolwerde apud Getzis¹¹ sitos annuatim novem solidos et sex denarios Const(antienses) solventes, item H. et Alber. fratribus de Kobelon suprascriptis pro recompensacione seu refusione partis ipsos in iamdicta curia contingentis tradidimus sive donavimus prata dicta der swesteron mat sita prope Chummingen¹² annuatim tres modios farris solvencia mensure in Veltkilch suprascripte, et facta nobis resignacione ac tradicione earundem curiarum sive bonorum per R., Eber., H. et Alber. suprascriptos sollempniter legittime et secundum terre consuetudinem generalem, ipsas curias, curiam videlicet dictam hinder der burch prope Muntigel sitam et curiam dictam der houe ze Blattun cum omnibus iuribus et appendiciis seu attinenciis earundem titulo empcionis in honorabiles et religiosos viros abbatem et conventum monasterii de Salem¹³ ordinis Cyster(ciensis) Const(anciensis) dyocesis, receptis ab eisdem triginta libris denariorum monete Const(anciensis), quam peccuniam in usus nostros convertimus necessarios, de qua etiam summa denariorum nobis ab eisdem de Salem confitemur presentibus satisfactum, transtulimus et transferimus per presentes libere et absolute ab ipsis ipsorumque monasterio perpetuo possidendas. Nos Růd. dictus der Wilde Behain de Birchach, Eber., Hainr. et AIber. fratres de Kobelon suprascripti permutacionem predictam nobiscum a strennuo viro domino Friderico milite et Swigero fratribus dictis Tumben de Nuwenburch prelibatis circa possessiones superius nominatim expressas factam et nobis in eadem permutacione bene et legittime fore recompensatum presentibus publice confitemur, renunciantes pro nobis nostrisque heredibus universis omni iuri et iuris auxilio tam in genere quam in specie, quod nobis in dictis curiis seu possessionibus competebat vel competere videbatur, applaudentes translacioni predicte facte in abbatem et conventum monasterii de Salem superius nominatos. In cuius rei testimonium et robur nos Fr. et Swigerus fratres prenotati et Růd. dictus der Wilde Behain de Birchach sigilla nostra huic littere duximus appendenda. Nos vero Eber., Hainr. et Alber. fratres de Kobelon pretaxati, quia sigillis propriis non utimur, presentem paginam in signum renunciacionis et resignacionis iuris nostri sigillo honorandi in Christo domini Hugonis de Werdenberch commendatoris domorum hospitalis sancti Joh. in Veltkilch et in Vberlingen¹⁴ petivimus nostro nomine communiri. Nos Hugo de Werdenberch commendator domorum in Veltk(ilch) et in Vberlingen prefatarum sigillum domus in Vberlingen ad peticionem Friderici et Swigeri prefatorum de Nuwenburch, Eber., Hainr. et Alber. fratrum de Kobelon et Růdolfi dicti der Wilde Behain, qui licet sigillum proprium habere crediderit, tamen quia non habuit, huic appendi fecimus instrumento in robur et testimonium omnium premissorum. Actum apud Rinegge¹⁵ anno domini M°.CC°.XC°IIII°. IIII. kl. sept. indict. VII^a.

Source Fulltext: Chartularium Sangallense IV, Nr. 2351, S. 437-438.