In gotes namen amen. Wir Friderich vnde^a) Swiker die gebrůdere de Tumben von || Niwenburch¹ kunden allen den^b), dise gegenwrtigen hantvesti iemer ane gesehent alde || ho^erint lesin, aine gelo^vbsami allir der dinge, so dar ane geschriben stat. Ir sulent || allesamint wissen fur war, das wir baidesamint offenlichen veriehen mit dierre hantvesti, das wir mit der burch ze Husen² noch mit dem bo^vngarten noch mit dem winegarten, so vnser herre abbet Will(ehel)m^c)3 vmbe die von Husen ko^vfte^d), wan das vns der selbe tail stat vmbe viunfe vnde zwainzig marche. Vnde den selben tail der^e) burch ze Husen, den bo^vngarten vnde den winegarten vnde swas vnser herre der abbet Will(ehel)m^c) vmbe Hvser⁴ ko^vfte, den geloben wir vnsirme herren abbet Will(ehel)me^c) vnde allen sinen nachkomen^f) geben ze lo^esenne mit gv^oten triwen vmbe viunfe vnde zwainzig marche, vnde das wir vnserme herren dem vorgenanten abbet Will(ehelm)e^c) vnde allen sinen nachkomen allis das staete haben, das an dierre hantvesti geschriben stat, dar vmbe so geben wir ime vnde sinen nachkomen allensamnit^g) dise hantvesti zainime staeten vnde ewigen vrkunde besigelt mit vnser baider isigel. Disiv hantvesti wart gegeben ze sante Gallin, do man zalte von gotes geburte M°CC°LXXXX°IIII°. jare, an dem iungesten tage o^vgesten, da ze gegene waren herre Rud. von Rorschach⁵ vnde R. sin brůder von Rosenburch⁶, H. dir maiger von Obernberch⁷, Otto von Ainewiller⁸, C. der Kuchimaister vnde ich maistir Bertolt der schriber⁹ vnde ander erbaere livte genv^oge.

Source Fulltext: Chartularium Sangallense IV, Nr. 2353, S. 440-441.