Omnibus presencium inspectoribus Johannes de Keswille¹ fidem presentibus adhibere. Noverint omnes et singuli, ad quos presens scriptum devenerit, quod ego gravibus oppressus oneribus debitorum honorabilibus et religiosis viris . . abbati et conventui monasterii de Salem² possessiones dictas Juggun³ sitas inter Muntigel⁴ et Crîeszerrun⁵ prope Renum⁶ datas mihi a Dietrico quondam dicto de Juggun et Ber. de A^ems⁷ fratribus in dotem Adelhaidis uxoris mee sororis eorundem de consensu expresso eiusdem Adelhaidis rite et legittime iuramento per eandem vallato de non repetendo easdem vendicionis titulo, receptis ab eisdem duodecim marcis puriet legalis argenti ponderis Constantiensis, quas in usus meos necessarios converti, de quibus michi confiteor plenarie satisfactum, libere et absolute tradidi et donavi, constituendo sibi Johannem filium strennui viri Rv^odolfi militis dicti de Rinegge⁸, Rv^odolfum de Ahe filium quondam V^olrici de Bôngarten et Go^etfridum de Keswille fratrem meum warandos et fideiussores super evictione dictarum possessionum sub forma subscripta et hoc quo ad filium meum V^olr., cum alium filium iam non habeam, si forte dictis abbati et conventui per eundem V^olr. de iure vel de facto moveri contingeret questionem super dictis possessionibus, quod iidem Jo., R. et Gotfr., quousque dictus filius legittime cum sollempnitate debita et consweta sub certa forma verborum, que eisdem videbitur necessaria, dictum vendicionis contractum ad ipsorum arbitrium approbabit, se monicione octo dierum premissa presentabunt in obstagium in civitate Constant(ia) apud certum hospitem aut hospites, numquam inde recessuri, donec predicta approbacio vendicionis premisse fuerit legittime consumata^a), et si ad alterius observacionem obstagii sint ligati, alios eque ydoneos obsides sibi in dicto loco Constant(ia), quos dicti abbas et conventus monicione quatuordecim dierum premissa acceptandos duxerint, subrogabunt. Si vero unum de predictis obsidibus seu warandis pendentem^b) approbacione predicta, quod deus avertat, mori contigerit, alii, qui superstites fuerint, ad eorum requisicionem infra unius mensis spacium, donec pro mortuo per me substitutus fuerit eque ydoneus, se in loco predicto sub forma prescripta in obstagium presentabunt. Ceterum, ut sepedictis abbati et conventui super contractu predicto plenius caveatur, Ber. dictus de A^ems frater Adelhaidis uxoris mee predicte unâ nobiscum videlicet mecum et uxore mea predicta se warandum constituit dictarum possessionum et obligat se ad evictionem perpetuo, si fortassis in posterum contingeret eis qualitercumque vel a quocumque ratione nostri vel a nobis seu aliquo ex nobis moveri super dictis possessionibus questionem. Promittimus insuper ego et . . uxor mea prefata corporale prestantes super hoc nichilominus sacramentum, quod si nos vel alter ex nobis seu aliquis nostro nomine sepedictos abbatem et conventum super dictis possessionibus impetere contingeret, ratione pene, dampni et interesse viginti quatuor marcas argenti ponderis Constantiensis ante litis ingressum sine contradictione qualibet persolvemus, et quod V^olr. filium nostrum supradictum ad hoc idem et ad prestandum nobiscum warandiam, ut est premissum, sub pena iamdicta, postquam ad etatem legitimam pervenerit, astringemus, renunciantes pro nobis nostrisque heredibus universis omni iuri tam in genere quam in specie, quod nobis in prefatis possessionibus in Juggen et earum attinenciis ac iuribus universis competebat vel competere videbatur. In cuius rei testimonium et robur perpetuum hanc litteram, quia sigillo proprio non utor, sigillo honorandi in Christo . . officialis curie Constantiensis communiri procuravi. Nos Ber. de A^ems, Johannes de Rinegge, R. de Ahe et Goetfridus de Keswille prelibati omnia et singula premissa, prout premissa sunt, vera esse profitentes, quia sigillis propriis non utimur, sigillo honorandi in Christo . . officialis curie Constantiensis petivimus communiri in robur et testimonium omnium premissorum. Nos . . officialis curie Constantiensis omnia et singula premissa rite et rationabiliter ac cum sollempnitate debita et consweta fore peracta plenius recongnoscentes, ad peticionem Johannisde Keswille et aliorum suprascriptorum siggillum^c) curie Constantiensis huic appendimus instrumenta. Dat. Constantie, anno domini M°.CC°.XC°.IIII° kl.^d) novembr. indict. VII^a.

Source Fulltext: Chartularium Sangallense IV, Nr. 2362, S. 447-449.