In gottes namen. Ir sond alle wissen, die disen briefe ansechint oder ho^erint lesin, dz wir von gottes gnaden abbte Wilhelm ze sant Gallen¹ kunden vnd vergechen offennlichen an disem briefe, das wir mit gantzem rat vnd willen des cappittels vnsers gotzhuses von sant Gallen vnnser ho^eue ze Wyler² vnd ze Schategge³ mit allem dem vnd dartzů ho^errit vnd darin ho^errit, kirchensatz vnd gesůchtz vnd vngesůchtz, vnnserm lieben vettern grauen^a) von Bregentz⁴ rechte vnd redlich mit allem rechte on alle geua^erde^b) vmbe funfftzig march silbers Costentzer gewa^ege haben versetzt, der wir bedorfften ze no^ete vnnsers gotzhuse, vnd habin im die vorgenampten ho^eue also gesetzitt, das er su niessen sol in allem dem rechte, als wir vnd vnser gotzhusen su daher genossen haben, o^vn all geua^erde, an du closter lehen, die vsse den^c) houen gan, du ho^erint vns nit an, vnd vergechen och des offennlich an disem briefe, das wir noch vnnser gotzhuse noch vnnser nachkomen der vorbenanten ho^eue vnd das darin vnd dartzů horett, an du closterlehen, du daruß gand, enhainen gewalt ze lo^esin sont han^d) von nun ze mayen ze der hailigen dult Gordiani vnd Epymach⁵ vber zwo^elff jar, vnd so die zwo^elff jar hin werdint, wenn wir oder vnser gotzhus abt^e) vnnser nachkomen lo^esen mo^egent oder wellent vmb vnnsern vetter ald vmbe sin erben die vorgenanten ho^eue vmb funfftzig march silbers, so sol man sy vns vnd vnnserm gotzhus ledig vnd los Ion, vnd vergechin och des offennlich, das die vorgenanten ho^eue ledig vnd lo^vß son sin von allermenglichz, an du closterlehen. Vnd das dis war vnd sta^ett belibe, als da vor geschriben sta^vt, des geben wir abbte Wilhelm vnser insigel an disem briefe vnd das cappittel sin insigel ze ainem waren vrkund. Vnd sint des gezuge grauff Wilhelme grauff Huges sun von Montfort⁶ vnd her Růdolff von Roschach der kirchherre⁷ vnd der schultheisse von Wil⁸ vnd Cůnrat der aman von sant Gallin⁹ vnd Otto von Anwiler¹⁰ vnd Wernher von Lochen¹¹ vnd Růdolff von Lochen. Ich graue Huge von Pregentz der vorgenant vergiche^f) och fur mich vnd alle min erben alles des dauor geschriben sta^vt. Vnd des ze ainem waren vrkunde so gib ich minem heren dem abbte vnd dem cappittel ze sant Gallen disen briefe mit minem ingesigil gesigilt. Vnd geschach dis ze sant Gallen ze inga^endem mertzen, do man zalt von gottes geburte zwelff hundert ja^vr vnd in dem sechstin vnd^g) . . .

Source Fulltext: Chartularium Sangallense IV, Nr. 2394, S. 467-468.