Universis Christi fidelibus, ad quos presens scriptum pervenerit, Johannes¹ dei patiencia abbas monasterii in Rvti ordinis Premonstratensis || salutem cum subscripte rei noticia. Noverint, quos nosce fuerit oportunum, quod cum O^etka dicta Meierin de Trongen pratum suum || dictum der Awachs nobis pro agro nostro dicto in der Bunte permutationis titulo legittime contulerit proprietasque eiusdem prati || ad reverendos in Christo dominos C. abbatem et conventum ecclesie in Vischinvn spectaverit et nobis iidem domini ad petitionem predicte mulieris eandem proprietatem libere^a) cum omni iure quiete et perpetuo possidendam donaverint, nos in reconpensationem sui prati, ne ex nostro commercio predicti domini privarentur^b) sua proprietate, cupientes ipsos reddere indempnes, prefati nostri agri in der Bvnte proprietatem ipsis tradidimus et sub presencium litterarum testimonio tradimus cum omni iure libere^a) et quiete perpetuo possidendam. In cuius rei testimonium et evidenciam et ut hec grata et illibata aput nos nostrosque successores permaneant, sepedictis dominis presentes litteras sigilli nostri munimine tradidimus communitas. Datum aput Trongen presentibus hiis testibus videlicet H. dicto Blo^edli, V^oI. dicto Bvman, C. dicto Forster de Betwisa, Deitrico dicto der Smi^vden de Trongen, Jo. et H. dictis in dem Hove, H. Molitore, Eberhardo dicto ze der Rebun, Ber. dicto Strasman et Ber. dicto Waltisholzer, anno domini M°.CC°.LXXXX°VIII°.^c) VI°. idus maii, indictione XII^a.^d)

Source Fulltext: Chartularium Sangallense IV, Nr. 2447, S. 512-513.