Vvir uon gottis ginaden abte Wilh.¹ unde^b) der conuent des gotzhuses ze sante Gallin kunden || allen den, die dizen brieue lesint oder ho^errint lesin, ain warhait aller der ding, so hie nah gischribin stat. || Won mencilicher sin von krenki der nature blo^ede ist vnde virgessilich, dauon so ist ez nuz vnde erber, dc man || ez bihalt mit brieuin, swas ewiger kraft bidarf vnde staet bilibin sol. Vnde darumbe so sont ir wissin alle vur war, dc wir an sahin den nuz vnsers gotzhuses mit guotim rat, den wir darüber hattin, vnde erlobtin vron Annin Bilgris² wirtennun des altin aenis burgers von Zurich vnde ir kindin, die vns unde vnsir gotzhuse anho^errint, dc su den kelnhoue ze Růtsswile³, der ir vries aegin was, mit vnserm gunst virkoftint den erberin vrowin in got der . . . priolinn^c) vnde den vrowin an des gotzhuses stat ze Do^esse⁴, vnde viriehint offinlich an dizem brieue, dc wir dc virhengt vnde gevrlobt habin mit wortin, mit werch^d), mit allem dem reht, so darzů ho^ert. Och so hant die selbin vrowin ain phunt wahs sante Galler gewaegs gisecit vnserm gotzhuse, dc su vns des allu jar werin sont an sante Gallin tult vnde in vnser stat ze sante Gallin. Wir gihaessin och, dc wir mit kaener slaht ding hie wider tuent, vnde oncihint vns och aller der brieue, die wir von Rom alt ander swa hettin oder gewinnin mo^ehtin, vnde gimellicher oder sunderlich vngewonhet oder dc es ubil vnde mit schalkait darzů sie braht, vnde gemaelich vnde och sunderlich alles des rehtis, damit ir kaenis, so dauor gischribin stat, geierrit mo^ehti werdin. Vnde darumbe so gebin wir den vorgenamtin vrowin von To^esse dizen brieue bisigiltin mit vnserin ingisigiln. Dirre brieue wart gigebin ze sante Gallin, do von gottis giburt warint zwelfhundert vnde nun vnde nuncig jar, ind. der XII^a, do ze gegin warin her Walt. Lesti⁵, her Bur. der vogt von Wartinse⁶, C. der statamman⁷ vnde ander biderbir lut genuog. Diz gischah IIII idus febr.

Source Fulltext: Chartularium Sangallense IV, Nr. 2476, S. 536-537.