Ich Eberhart von Kúngsegge¹ ritter enbút den erbern lúten Walthern dem Vorster, Růdolfen || dem Amman von Gossow² vnd den lúten gemainlich, die in die vogtye ze Gossow geho^erent, || minen grůs vnd alles gůt. Ich bitte vnd haisse v´ch ernstlich mit disem brief, das ir dem er||wirdigen minem gena^edigen herren abt Georien von gottes gnaden abt des gotzhus ze sant Gallen³ gehorsam sigent mit allen den rehten vnd gewonhaiten, so zů der selben vogtye ze Gossow darin ald darus geho^erent, vnd im wartent vnd tu^egent, als ir ainem herren vnd vogt billich von reht ald von gewonhait tůn so^ellent, vnd erlasse v´ch och aigenlich mit disem brief alle gemainlich vnd ieglicher besunder aller der aid, so ir mir getân vnd gesworn hânt. Vnd des ze ainer warhait hân ich min insigel fúr mich vnd fúr alle min erben gehenket an disen brief. Der geben ist ze Wil⁴ an sant Michels abent, do man zalt von gottes gebúrt drúzehenhundert jar, darnach in dem drú vnd sibenzigosten jar.

Source Fulltext: Chartularium Sangallense IX, Nr. 5379, S. 55.