Wir Geori von gottes gnâden abt des gotzhus ze sant Gallen¹, das ân alles mittel dem stůl ze Ro^vm zůgeho^eret, veriehen || vnd tůn kund offenlich mit disem brief allen, die in ansehent lesent oder ho^erent lesen, daz wir mit der vogtye || ze Dikbůch² vff ainem gu^etlin, was Hermans Salers, niht ze tůnd noch ze schaffend habent noch haben súllent, || vnd entzihent v´ns darumb fúr v´ns vnd fúr alle v´nser nachkomen alles rehten aller vordrung vnd ansprach, so wir darzů ald daran haben gewinnen oder erwerben mo^ehtin von reht von gewonhait von briefen oder von dehainen andren sachen^a). Vnd des ze ainer warhait haben wir v´nser insigel gehenket an disen brief. Der geben ist ze Wil³ in vnser statt an dem na^ehsten donrstag nach sant Bartholomeus tag in dem jar, do man zalt von gottes gebúrt drúzehenhundert jar vnd darnach in dem drú vnd sibentzigesten jar.

Source Fulltext: Chartularium Sangallense IX, Nr. 5371, S. 49.