Allen^a) den, die disen brief ansehent lesent oder ho^erent lesen, tůn ich || Diettegan der Mayger von Altstetten¹ kund vnd vergih offenlich || mit disem brief, daz mich der erwirdig min gna^ediger herr abt || Geori von gottes gnâden abt des gotzhus ze sant Gallen² gar vnd gantzlich bezalt gewert vnd geben hat die sehzig pfund pfenning Costentzer múns, so er mir schuldig worden was von der sto^ess wegen, so ich mit im hatt, vnd darumb so sag ich in sin gotzhus vnd alle sin nachkomen der vorgeschriben sehzig pfund pfenning fúr mich fúr minú geswústergit vnd fúr alle min erben quit ledig vnd los mit disem brief. Vnd des ze ainer warhat^b) han ich min insigel gehenket an disen brief. Der geben ist ze Wil³ an sant Andres abent des zwelfbotten in dem jar, do man zalt von gottes gebúrt drúzehenhundert jar vnd darnach in dem drú vnd sibentzigosten jar.

Source Fulltext: Chartularium Sangallense IX, Nr. 5386, S. 60.