Ich^a) Peter der Hůffschmid, den man na^enmet^b) Peter am Kornmarkt, burger ze Wangen¹ tůn kunt vnd vergich offenlich fu^er mich vnd || fu^er min erben mit disem brief allen den, die in ansehent oder ho^erent lesen, daz ich mit wolbedachtem sinne vnd mit gůter vorbetrach||tung recht vnd redlich verkofft vnd ze koffend geben hân ze ainen^b) sta^eten vnd ewigen koff fu^er recht lehen von dem erwirdigen || herren dem abt dez gotzhus ze sant Gallen dem erberen man V^eli dem Mertzler, den man na^enmet^b) Bierun V^ely, burger ze Wangen vnd allen sinen erbun den korn markt ze Wangen in der stat mit allen den rechten nútzen vnd zůgeho^erden, so von gwonhait vnd von recht daur in vnd darzů geho^erent vnd geho^eren sont, vnd a^ellu^e mimu^b) recht, die ich zů dem selben korn markt gehept hân, vmb zwai vnd fiertzig phund phenning gůter vnd gna^emer Costentzer mu^ens, der ich von dem obgenanten V^ely dem Mertzler gar vnd ga^entzlich geweret vnd nach minem willen bezalt bin vnd die anderschwa in minen redlichen nutz vnd an min notdurfft komen vnd bewent sint. Vnd darumb verzieh ich mich hw^et ze tag fu^er mich vnd fu^er alle min erben in dez obgenanten V^ely dez Mertzlers vnd in siner erbun hand aller der recht vordrung vnd ansprach, die ich ald min erben zů dem vorgeschriben korn markt gehept haben oder her nâch ymmer gwinnen mo^echten. Vnd wan der vorgeschriben korn markt lehen ist von dem obgenanten erwirdigen herren dem abt dez gotzhus ze sant Gallen, so hân ich dem êgenanten V^ely dem Mertzler, den man na^enmet^b) Bierun V^ely, den selben korn markt mit allen rechten gefergot vnd von dem lehen herren in sin hand braucht mit worten vnd mit werchen, so nach gwonhait vnd nâch recht daurzů geho^erent vnd wie es wol kraft vnd macht haben mag vnd haun sol. Ich der vorgenant Peter Hůfschmit sol och vnd mit mir alle min erben dez obgenanten V^ely dez Mertzlers vnd siner erben, ob er enwa^er, vff den vorgeschriben korn markt recht gweren sin nâch lehensrecht gen ma^enelich an allen stetten vff gaistlichem vnd weltlichem gericht. Vnd daurzů ze ainer merrer vnd bessrer sicherhait so han ich im vnd sinen erbun vmb den vorgeschriben koff vnd vff den obgenanten korn markt zů mir vnd zů minen erbun ze ainem rechten gweren geben vnd gesetzt nâch lehnsrecht den ersamen man Johansen Schwegeli burger ze Wangen gen ma^enelich an allen stetten vff allen gerichten gaistlichen vnd weltlichen vnd wa er oder sin erben dez allez bedúrffend oder notdúrfftig sint, also vnd mit der beschaidenhait, wa^er daz dem vorgenanten V^ely dem Mertzler oder sinen erbun, ob er enwa^er, der vorgeschriben korn markt yena angeraicht oder anspra^echig wurd mit dem rechten vff gaistlichem oder vff weltlichem gericht gar oder ain tail, da sol ich der vorgenant Peter Hůfschmit oder min erben vnd der vorgenant gwer ald sin erben den obgenanten V^ely den Mertzler, den man na^enmet^b) Bierun V^ely, oder sin erben, ob er enwa^er, vmb versprechen vnd vertretten nach dem rechten vnd der selbun ansprach aun allen schaden tůn. Ta^et ich ald min erben vnd der vorgenant gwer oder sin erben dez nit vnd wa^er, daz er oder sin erben sich selber von dez obgeschriben korn marktz wegen versprechen mu^estin, wie sy dez versprechentz ze schaden ko^emin, den schaden allen sol ich ald min erben vnd der vorgenant gwer oder sin erben dem obgenanten V^ely dem Mertzler vnd sinen erbun, ob er enwa^er, gar vnd ga^entzlich vssrichten vnd abtůn aun allen schaden. Ich der vorgenant Peter der Hůffschmid vergich och fu^er mich vnd min erben, den vorgenanten gweren vnd sin erben von der gwerschaft ze lo^esent aun allen schaden iren worten vmb den schaden ze gloubend aun ayd. Vnd dez allez ze ainem waren vnd offenn vrchu^end vnd ze ainer sta^eter sicherhait aller vorgeschriber ding so gib ich dem obgenanten V^ely dem Mertzler, den man na^enmet^b) Bierun V^ely, burger ze Wangen vnd allen sinen erben disen offenn brief besigelt mit minem aigen vnd angehenkten ynsigel vnd mit dez vorgenanten gweren ynsigel. Ich der obgenant gwer vergich der gwerschaft in aller der wis, alz vor von mir an disem brief geschriben staut, vnd darumb henk ich min aigen ynsigel ôch an disen brief. Der geben wart ze Wangen in dem iaur, do man zalt von Cristes gebúrt dri^evzehenhundert iaur vnd darnach in dem driu^e vnd sybentzigosten iaur, an dem na^echsten zinstag vor aller hailgun tag.

Source Fulltext: Chartularium Sangallense IX, Nr. 5382, S. 57-58.