Dilecto filio . . abbati monasterii in Salem¹ Constanciensis diocesis salutem et apostolicam benedictionem. Dignum arbitramur et congruum, ut illis se reddat sedes apostolica graciosam, quibus ad id propria virtutum merita laudabiliter suffragantur. Dudum siquidem felicis recordacionis Innocencius papa VI. predecessor noster omnia beneficia ecclesiastica cum cura et sine cura quorumcumque per assecucionem pacificam canonicatuum et prebendarum et aliorum beneficiorum ecclesiasticorum quorumlibet tunc per eum seu auctoritate litterarum suarum collatorum et imposterum conferendorum eisdem tunc vacancia et inantea vacatura collacioni et disposicioni sue reservavit, decernens extunc irritum et inane, si secus super hiis a quoquam quavis auctoritate scienter vel ignoranter contingeret attemptari, et deinde dictus predecessor dilecto filio Beringero dicto Schuolmaister de sancto Gallo canonico ecclesie sanctorum Felicis et Regule Thuricensis² Constanciensis diocesis de beneficio ecclesiastico cum cura vel sine cura vacante vel vacaturo ad collacionem vel presentacionem dilectorum filiorum prepositi et capituli dicte ecclesie communiter pertinente per suas litteras in ea forma, secundum quam pro pauperibus clericis beneficiandis idem predecessor tunc scripserat provideri, mandavit, volens inter cetera, quod idem Beringerus quamprimum dictarum litterarum vigore huiusmodi beneficium foret pacifice assecutus, quoddam perpetuum beneficium sine cura in ecclesia sancti Leonardi prope opidum sancti Galli³ dicte diocesis, quod idem Beringerus tunc temporis obtinebat et quod idem predecessor extunc vacare decrevit, omnino dimittere teneretur, prout in dictis litteris plenius continetur. Postmodum vero dicto beneficio ex eo vacante, quod dictus Beringerus canonicatum et prebendam ecclesie sanctorum Felicis et Regule predicte tunc vacantes et ad collacionem prepositi et capituli communiter pertinentes auctoritate dictarum litterarum sibi collatos extitit dicto predecessore vivente pacifice assecutus, dictoque predecessore de dicto beneficio per eum non disposito sublato de medio pie memorie Vrbanus papa V. ipsius Innocencii inmediatus successor predecessor noster ad apicem summi apostolatus assumptus, cum a nonnullis revocaretur in dubium, an aliquis preter Romanum pontificem post dicti Innocencii predecessoris obitum de beneficiis ecclesiasticis per dictum Innocencium predecessorem disposicioni sue reservatis et tempore obitus eiusdem Innocencii predecessoris vacantibus disponere potuisset sive posset, ad huiusmodi ambiguitatis tollendum dubium per suas litteras declaravit beneficia ecclesiastica supradicta, que sie reservata tempore obitus dicti Innocencii predecessoris vacabant, ut prefertur, remansisse et remanere per huiusmodi reservacionem et decretum affecta nullumque de eis preter Romanum pontificem potuisse vel posse disponere quoquo modo, ac decrevit irritum et inane, quicquid in contrarium a quoquam quavis auctoritate scienter vel ignoranter attemptatum forsan erat tunc vel contigerit imposterum attemptari. Cum itaque dictum beneficium, de quo etiam idem Vrbanus predecessor dum vixit minime ordinavit, adhuc ut prefertur vacare noscatur nullusque preter Romanum pontificem hac vice de dicto beneficio disponere potuerit neque possit reservacione declaracione et decretis obsistentibus supradictis. Nos volentes dilectum filium Johannem dictum Zoller clericum Constanciensem apud nos de probitatis et virtutum meritis multipliciter commendatum horum intuitu favoribus prosequi graciosis, discretioni tue per apostolica scripta mandamus, quatinus si post diligentem examinationem dictum Johannem ad hoc ydoneum esse reppereris, super quo tuam conscienciam oneramus, prefatum beneficium, cuius fruetus redditus et proventus trium marcharum argenti secundum communem extimacionem valorem annuum, ut idem Johannes asserit, non excedunt, sie vacans cum omnibus iuribus et pertineneiis suis eidem Johanni auctoritate nostra conferre et assignare procures, inducens per te vel alium seu alios eundem Johannem vel procuratorem suum eius nomine in corporalem possessionem beneficii ac iurium et pertinenciarum predictorum et defendens inductum, amoto ab eo quolibet detentore, ac faciens ipsum Johannem vel dictum procuratorem pro eo ad dictum beneficium, ut est moris, admitti sibique de ipsius beneficii fructibus redditibus proventibus iuribus et obventionibus universis integre responderi, contradictores auctoritate nostra appellacione postposita compescendo, non obstantibus, si aliqui super provisionibus sibi faciendis de huiusmodi vel aliis beneficiis ecclesiasticis in illis partibus speciales vel generales dicte sedis vel legatorum eius litteras impetrarint, etiam si per eas ad inhibitionem reservationem et decretum vel alias quomodolibet sit processum, quibus omnibus eundem Johannem in assecucione dicti beneficii volumus anteferri, sed nulluni per hoc eis quo ad assecucionem aliorum beneficiorum preiudicium^a) generari, seu si venerabili fratri nostro episcopo Constanciensi vel quibusvis aliis communiter vel divisim a dicta sit sede indultum, quod ad recepcionem vel provisionem alicuius minime teneantur et ad id compelli, aut quod interdici suspendi vel excommunicari non possint, quodque de huiusmodi vel aliis beneficiis ecclesiasticis ad eorum collacionem provisionem presentacionem seu quamvis aliam disposicionem coniunctim vel separatim spectantibus nulli valeat provideri per litteras apostolicas non facientes plenam et expressam ac de verbo ad verbum de indulto huiusmodi et qualibet alia dicte sedis indulgencia generali vel speciali, cuiuscumque tenoris existat, per quam presentibus non expressam vel totaliter non insertam effectus earum impediri valeat quomodolibet vel differri et de qua cuiusque toto tenore habenda sit in nostris litteris mentio specialis. Nos enim prout est^b) irritum decernimus et inane, si secus super hiis a quoquam quavis auctoritate scienter vel ignoranter attemptatum forsan est hactenus vel contigerit imposterum attemptari. Datum apud Villamnouam⁴ Auinionensis⁵ diocesis, IIII. idus aprilis, pontificatus nostri anno quarto.

Source Fulltext: Chartularium Sangallense IX, Nr. 5400, S. 73-74.