Dem erwirdigen minem gna^edigen herren abt Georien von gottes gnâden abt dez gotzhûs ze || sant Gallen¹ embút ich Johans Arnolt von sant Gallen der elter, waz ich v´ch êren vnd dienst ver||mag, mit allen trúwen. Gna^ediger herre, v´wer êrwirdi tůn ich ze wissenn, daz diz nâchgenemten erberen || lút Adelhait Nycolausen Vederers von Bernang² dez eltern êlichi wirtinne, Hainrich, V^olrich, Růdolf, Johans vnd Nycolaus iro êlichen sún, Elzbêth dez vorgenanten Hainrichs êlichi wirtinne vnd irú kint, die von v´ch vnd von v´werm vorgeschribenen gotzhûs min lêhen wârent, sich selber mit lîp vnd mit gůt vnd mit allen rehten vnd ansprâchen, die ich zv^o in hatt ald haben moht, von mir reht vnd redlich geko^vffet hânt an daz vorgeschriben v´wer gotzhûs ze sant Gallen vmb vierzig phunt vnd vmb fúnf phunt phenning guter Costentzzer múnse, der ich gantzlich von in gewert bin vnd enphangen han vnd an minen offenn nutz bewendet. Vnd won ich ze disen ziten von krankhait mines libes selber fúr v´ch niht komen mag, so send ich die vorgenemten lút mit lîp vnd mit gůt vnd mit allen rehten vnd ansprâchen, die ich zv^o in hatt ald haben moht, willeklich vnd frilich v^f zv^o v´wern vnd zv^o v´wers vorgeschribenen gotzhus han den mit vrkúnd diz brieues also vnd in dem rehten, daz die selben vorgedâhten lút mit lîp vnd mit gůt vnd mit allen rehten hinnenhin an daz vorgeschriben v´wer gotzhus ze sant Gallen geho^eren vnd dez reht aigen sin sont. Vnd ze vrkúnd der wârhait aller der vorgeschribenen dinge vnd vergiht so han ich Johans Arnolt der elter da vorgenemt fúr mich vnd alle min erben min insigel gehenkt an disen brief. Der geben ist ze Valkenstain³ an dem na^ehsten donstag nâch v´nser fro^vwen tag ze mittem o^vgsten in dem jâr, do man zalt von Cristus gebúrt drúzehenhundert jâr, sibenzig jâr vnd darnach in dem vierden jâre.

Source Fulltext: Chartularium Sangallense IX, Nr. 5414, S. 89.