Wir^a) Geori von gottes gna^vden abt dez gotzhus ze sant Gallen¹, daz a^vn allez mittel zů geho^eret dem stůl ze Rome, veriehin vnd tu^egin kunt mit disem brief || allen, die in ansehent lesent oder ho^erent lesen, daz fúr vns kam ze Wil² in vnser stat die fromen vesten Herman von Landenberg vnd herr Eglolff von Landenberg ritter || sin brůder in namen vnd an stat herr Albrechtes von Landenberg³ och ritter ir brůders, hern Hermans von der Braitenlandenberg ritters⁴ elichen sún, vnd offnoten da vnd || spra^vchen, daz sú ansa^ehin vnd angesehen hettin die getriwe vnd liebi, so der vorgenant herr Herman ir vatter inen geta^vn vnd erzaiget hetti, dar an daz er inen willeklich vnd gern ledklich geben vnd zů ieren handen braht hetti alle dis hie nachgeschriben búrg gu^eter vnd lút, die von vns vnd vnserm gotzhus sin lehen waren, vnd och allez daz aigen ligent gůt oder pfantscha^ez, so er ietz hat oder noch gewinnet, dez ersten die burg, die man nempt die Braitenlandenberg, daz maier ampt ze Turbental⁵, der hoff ze Kumberg⁶, der hoff ze Herbisperg⁷, der hoff am Len⁸ zů der Tannen, daz gůt am Werd⁹, der hoff ze Baldasrúti⁷, der hoff ze Rengiswile¹⁰, der hoff ze Kalchegg¹¹, der hoff ze der Gúlle⁷, der hoff ze Schmidrúti¹², daz gůt an der Egerdun⁷, der hoff ze Fúrswendi⁷, der hoff ze^b) Hergiswendi⁷, der hoff in der Matt¹³, die Armhůb¹⁴, der hoff ze der Aich¹⁵, daz burgstal ze der Hohenlandenberg¹⁶, daz gu^etli ze Lorad⁷, der hoff ze Pfaffenberg¹⁷, der hoff in Owe¹⁸, der hoff ze Ha^ermeltswille¹⁹, der hoff ze Oberhouen²⁰, den man nempt der Strashoff⁷, die hůb ze Oberhouen, die Ha^erspu^el⁷, der zehend ze Oberhouen, daz gůt gelegen ze Selmatten²¹, daz man nempt dez Mu^eselbachers gůt, der hoff ze Huggenberg²², daz gůt vnd der wingart Zůzwil²³, die hofstatpfennig ze Rikkenbach²⁴, die widern ze Pfa^effikain²⁵ mit dem kilchensatz, so dar zů vnd dar in geho^erent, den obern vnd nidern kelnhoff ze Stamhain²⁶ mit dem kilchensatz, so dar zů vnd dar in geho^erent, mit wingarten mit zehenden mit lúten vnd gu^etern, so dar zů vnd dar in geho^erent, die vogty ze Mo^vgwile²⁷, die burg ze Hagenwile²⁸ mit wingarten mit hoffraiti vnd den ho^effen in dem dorff, die múli ze Hagenwile, die schůpůs, die rútina ze Hagenwile, den hoff an Schúres egge⁷, den hoff ze Zilschlatt²⁹, den hoff am Len³⁰, den hoff an der Hůb⁷. So sint dis die lút, Cu^eni Amman sin wip vnd kint, Hans Widenman, der Wild von Ergenhusen³¹, die von Fúrswendi⁷ alle, Hans in der Owe, Hansen von Pfaffenberg, Hainin an der Armen hůb, die gu^eter vnd wingarten gelegen an dem Zúrich sew³² ze Hardenberg³³, sehs malter habern geltz vsser dem kelnhoff ze Selmatten, den hoff ze Hittingen³⁴, den zehenden ze Branow³⁵, den pfantschatz dez hoffs ze Múla³⁶, den pfantschatz dez hoffs ze Túffenbach³⁷, den pfantschatz dez hoffs ze Roschach³⁸, den pfantschatz ze Keswille³⁹, den pfantschatz der ho^eff vnd gu^eter ze Mos⁷. Vnd wan sú in der selben gnad vnd frúntschaft anders nit ergetzen konden, dar vmb so wolten si dem selben hern Herman ir vatter mit gůter vorbetrahtung vnd beschaidenhait mit dez selben hern Albrechtz ir brůders willen vnd gunst die selben hie vorgenanten búrg gu^eter lút pfantschatz zehenden vnd kirchensa^etz allez mit an ander fu^egen vnd machen ze rechtem libting in libtinges wis vnd nach libtinges recht, vnd baten v´ns ernstlich, daz wir inen dez gundin vnd v´nsern willen vnd ernst darzů ga^ebin. Daz taten wir durch ir bett, vnd fůgten vnd machten do ze stett die vorgenanten Herman vnd herr Eglolff von Landenberg gebrůder mit dez vorgenanten herr Albrechtes von Landenberg ir brůders willen vnd gunst vnd och mit vnser hantgetat gůtem willen gunst vnd verhengd mit allen den worten werken vnd geta^eten, so nach gewonhait vnd nach recht dar zů gehorten vnd nottúrftig waren vnd als recht sitte vnd gewonlich waz, vnd fůgten vnd machten redlich mit disem brief dem vorgenanten hern Herman ierem vatter dú vorgenanten búrg gu^eter vnd lút, als hie vorgeschriben stat, mit allen rechten nútzen vnd gewonhaiten vnd mit aller zůgeho^erd ze rechtem libting in libtinges wis vnd nach libtinges recht, also mit der beschaidenhait gedingd vnd in dem rechten, daz er die vorgenanten búrg gu^eter vnd lút, ez sien lehen aigen ligends vnd varnds gůt, als vorgeschriben stat an disem brief, ia^erlich inniemen haben vnd niessen besetzen vnd entsetzen sol mit allen vnd vollen rechten ze rechtem libting in libtinges wis vnd nach libtinges recht, alle die wil er lebt, vnd daz die vorgenanten sin súne noch ir erben noch nieman andrer von ir wegen noch an ir stat in an dem selben libting númmer sumen noch fra^euenlich irren sont in dehain wis noch in dehain weg. Vnd wenn oder weles iars oder weler stund vnd zit in dem jar der selb herr Herman von Landenberg von to^vds wegen abgangen ist, so sont denn^c) die vorgenanten^d) búrg gu^eter lút, ez sie lehen aigen pfand ligend oder vard gůt, mit allen rechten gentzlich vnd gar wider an die vorgenanten Herman, hern Eglolfen vnd hern Albrechten sin elichen sún oder an ir erben vallen vnd inen gentzlich vnd gar ledig sin vnd lo^vz, also daz anders enkain dez vorgenanten herr Hermans erben, won die vorgenanten sin sún, enkain recht dar zů hant noch haben sont in dekain wis noch in dekainen weg. Vnd dez ze vrkúnd der warhait aller vorgeschriben ding so habin wir vorgenanter abt Geori vnser insigel gehenkt an disen brief. Der geben ist in dem jar, do man zalt von Cristus gebúrt drúzehenhundert jar, súbentzig jar, dar nach in dem vierden jar, an dem na^ehsten dunrstag nach sant Martis tag, da zegegen warent dis nachgenanten frumen herr Hainr. von Helmsdorf⁴⁰ ritter, Marcus Kamrer, Herman Kupferschmid, Rudolf von Liehtenstaig⁴¹, Eberhart Ko^vffman, V^eli Wirri, Jacob Ferr, Burk. Riss, Růdolff Edegswille^e)42.

Source Fulltext: Chartularium Sangallense IX, Nr. 5423, S. 98-100.