Ich^a) Walther Iberger von Swartzenbach¹ tůn kunt vnd vergich offenlich mit disem brieue allen den, die in sehent lesent oder || ho^erent lesen, von der sto^esse wegen, so die erbern fromen her Nycolaus von V^otzingen custer des gotz[h]us^b) ze sant Gallen² || an ainem tail vnd Eberhart von Ramswag³ an dem andern tail vff mich komen sint vnd mir getruwet hant von dez || geltez wegen, so der selb ietzgenempt her Nycolaus von V^otzingen sprichet, daz ja^erlich an die custerije ze sant Gallen gang vnd gân súlle, daz ich da von den obern frijen⁴ ain kuntschaft in nemen vnd verho^eren so^elte, sol man wissen, daz ich ain kuntschaft dâr vmb in genomen vnd verho^ert han von den lúten, die sú ze baiden syten dâr vmb genempt hant, die dâr vmb offenlich gesworn hant. Vnd han o^vch nâch der selben geswornen kuntsami dâr vmb vsgesprochen vnd sprich mit vrkúnde diz brieues, daz das die^c) besser kuntschaft ist, daz von Wolfferswille⁵ vnd von Baldewille⁶ gang vnd gân súlle an die vorgeschribenn custerije ze sant Gallen ain phunt phenning Costentzer múnse, von Wêrtzenberg⁷ sechs schilling phenning vnd zwai hu^enr, von Staimers gůt am Sunder⁸ ain phunt phenning, von V´nêgg⁹ drij schilling phenning, vmb dú andern gu^eter, waz da ain custer dez gotzhus ze sant Gallen von dien andern gu^etern da her in genomen hât, da bi sol der obgenant herr Nycolaus von V^otzingen noch hinnenhin beliben. Vnd ze vrkúnde diz spruchs han ich min insigel ze ende diser geschrift vff disen brief gedrukt. Der geben wart ze Wile¹⁰ in dem jâre, do von Cristi gebúrt wârent drútzehenhundert vnd sibentzig jâr vnd dar nach in dem fierden jâre, an sant Andres tag.

Source Fulltext: Chartularium Sangallense IX, Nr. 5425, S. 102-103.