Ich^a) Wilhalm von Brachsperg¹ der alt tůn kunt vnd vergich offenlich fu^er mich vnd fu^er min erben vor aller||ma^enclich mit disem brief allen den, die in ansehent oder ho^erent lesen, daz ich mit wolbedachtem sinne vnd mit || gůter vorbetrachtung recht vnd redlich verkofft vnd ze koffend geben haun ze ainem sta^eten vnd ewigen koff fu^er || recht lehen von dem erwirdigen herren dem abt dez gotzhus ze sant Gallen den ersamen lúten Hainrichen vnd Růdolffen den jungen vo^egten von Sumerow^e2 gebrůdern gesezzen zem Liv´poltz³ Růdolffen dez alten vogtz sa^eligen súnen vnd allen iren erbun den clainen zehenden vss den nachbenempten gu^etern, dez ersten vss dem buhoue zem Liv´poltz, der zů der bürg geho^eret, vnd vss der múli zem Livpoltz⁴ vnd vss den gu^etern ze Stitzenberg⁵, div Hans der Erlacher buwet, vnd vss dem gůt zem Erlach⁶ vnd vss dem gůt, daz man na^ennpt in der Brechun⁷, vnd vss dem gůt ze dem Nussbâm⁸ vnd vss dem gůt zem Lorenhus⁹ vnd vss dem gůt ze dem Dobel¹⁰ vnd vss dem gu^etli, daz man na^empt daz Becherlehen¹¹, den vorgeschriben clainen zehenden vss den obgenanten gu^etern vnd darzů a^elliv^e minv^e recht, div^e ich zů den selben gu^etern von zehenden wegen gehept haun, haun ich den vorgenanten vo^egtten vnd iren erbun geben mit allen rechten vnd zůgeho^erden ains redlichen koffz, alz vorgeschriben staut, vmb ains vnd drissig phund haller gůter vnd ga^eber, der ich gar vnd ga^entzlich von in gweret bin vnd die in minen redlichen nutz komen sint. Vnd wan der vorgeschriben clain zehend vss den obgenanten gu^etern lehen ist von dem erwirdigen herren dem abt dez gotzhus ze sant Gallen, alz vorbeschaiden ist, so haun ich den vorgenanten Hainrichen vnd Růdolffen den vo^egten vnd iren erben den selben clainen zehenden geferget vnd von dem lehen herren in ir hand braucht mit worten vnd mit werchen, die nach gwonhait vnd nach recht daurzů gehorten vnd wie es wol kraft haben mocht. Ich der vorgenant Wilhalm von Brachsperg sol och vnd mit mir alle min erben der obgenantun Hainrichs vnd Růdolfs der vo^egt vnd iro erben vff den vorgeschriben clainen zehenden vss den obgenanten gu^etern recht gweren sin nach lehensrecht gen ma^enclich vff gaistlichem vnd weltlichem gericht. Vnd daurzů ze ainer merrer vnd besserr sicherhait so haun ich in vnd iren erben vmb den vorgeschriben kôff vnd vff den obgenanten clainen zehenden zů mir vnd zů minen erbun ze rechten gwerun geben vnd gesetzt nach lehens recht dis ersam mann^e Lutzen den Súrgen¹² gesêzzen zem Sîggun¹³ vnd Ru^edgern vom Rosenhartz¹⁴ alle beid vnuerschaidenlich vnd gen ma^enclich an allen stetten vff allen gerichten gaistlichen vnd weltlichen vnd wa sy ald ir erben dez allez bedurffend oder notdúrfftig sint, also vnd mit der beschaidenhait, wa^er daz in oder iren erbun der vorgeschriben clain zehend yena angeraicht oder anspra^echig wurd mit dem rechten vff gaistlichem oder vff weltlichem gericht gar oder ain tail, da sol ich ald min erben vnd die vorgenanten gweren ald ir erben die obgenanten Hainrichen vnd Růdolffen die vo^egt gebrůder vnd ir erben, ob sy enwa^erin, vmb versprechen vnd vertretten nach dem rechten vnd der ansprach aun allen schaden tůn. Ta^et ich oder min erben vnd die vorgenanten gweren oder ir erben dez nit vnd wa^er daz die obgenanten vo^egt oder ir erben sich selber von dez obgeschriben zehenden wegen versprechen mu^estin, wie sy dez versprechentz ze schaden ko^emin, den schaden allen sol ich vnd min erben vnd die vorgenanten gweren vnd ir erben in vnd iren erbun vssrichten vnd abtůn aun allen schaden. Gescha^ech daz nit, so haund sy ald ir erben darnach vollen gwalt vnd gůt recht, mich vnd min erben vnd die vorgenanten gweren vnd ir erben darumb anzegriffend ze phendent vnd ze no^etent mit gericht oder aun gericht mit clag oder aun clag in stetten oder vff dem land an vnsren lúten vnd gůten úber alle buntnu^ess vnd fryhait der herrun vnd der stêtt, die yetz sint ald noch wurden, alz lang vnd alz vil, bis daz in oder iren erben daz allez vssgericht wiert aun allen schaden. Ich der vorgenant Wilhalm von Brachsperg vergich och fu^er mich vnd min erben, die obgenanten gweren vnd ir erben von der gwerschaft ze lo^esent aun allen schaden, iren worten vmb den schaden ze gloubend aun ayd. Vnd dez allez ze ainem wauren vnd offenn vrchu^end so gib ich den vorgenanten Hainrichen vnd Růdolffen den jungen vo^egten gebrůdern vnd iren erbun disen offenn brief besigelt mit minem aigen vnd angehenkten insigel vnd mit der vorgenanten gwerunn ynsigeln. Wir die obgenanten gweren veriehen der gwerschaft in aller der wis, alz vor von vns an disem brief geschriben staut, vnd darumb henken wir vnsiru^e aigniv^e insigel ôch an disen brief. Der geben wart in dem iaur do man zalt von Cristes gebu^ert driv^ezehenhundert iaur vnd darnach in dem fier vnd sybentzigosten iaur, an dem na^echsten ma^entag nach sant Michels tag.

Source Fulltext: Chartularium Sangallense IX, Nr. 5418, S. 93-95.