Ich^a) Burkart der Wichsler gesezzen ze Tale¹ vergich offenlich vnd tůn kunt aller menglich mit disem brief || vmb den bund, den diz nachgeschriben hailigen richs stett in Swaben Vlm, Costentz, Memmingen, Rotwile, Wile, || Rútlingen, Rauenspurg, V´berlingen, Lindow^e, sant Gallen, Byberach, Kemptun, Ysenin, Liukirch, Wangen, Kouffbúren || vnd Bůchorn gelopt vnd gesworn haben, bekennen wir an disem brieff, daz ich noch dehain min amptman diener noch helffer noch niemen, der mir zůgeho^ert, wider die vorbenempten dez richs stett noch wider dehain ander ir aidgenozz, die ietzo in irem bund bi in sint noch die fúrbaz zů in daryn kernen oder sw^eren, nit sin súllen noch wellen noch si nit beschadigen su^ellen hie zwischan vnd dem nechsten sant Go^eryen tag vnd danach in vier gantzen jaren den nechsten deweder mit kost mit behusung mit lib noch mit gůt noch mit rêten noch mit geta^eten haimlich noch offenlichen noch in dehainen weg, in aller der wise, alz ir bund stat vnd seit. Vnd hân dez allez ietz ze den hailigen ainen gelerten aid gesworn mit vffgebotten vingern, war vnd stet ze halten vnd ze haben âne alle geuerd. Dez ze vrku^end hân ich min insigel gehenkt an disen brieff. Der geben wart an dem nechsten sunnentag vor Symonis et Jude, do warun von Cristz gebu^ert drivzehenhundert jar vnd in dem sechs vnd sibentzigistem jar.

Source Fulltext: Chartularium Sangallense IX, Nr. 5539, S. 212.