Allen den, die disen brief ansehent lesent oder ho^erent lesen, kúnden wir Hûgo vnd Johans die Růpreht gebrůder vnd veriehen offenlich an disem brief fúr || v´ns vnd fúr alle v´nser erben, daz wir baid mit gůter vorbetrahtunge verko^vfft vnd reht vnd redlich ze ko^vffenn geben habint vnd geben mit disem || brief dem beschaiden man Cůnrat Vogelwaider vnd sinen erben das holtz gelegen ze Wisen¹, das ainhalb sto^vzzet an Wisa, andrunt an V^olrich des || Fritboltz holtz, mit grund mit grât mit allen rehten nútzen vnd gewonhaiten vnd mit aller zůgeho^erd vmb fúnf vnd zwaintzig pfunt pfenning gůter Costentzer múns, die er v´ns darumb geben hât vnd gantzlich von im gewert vnd bezalt sint. Daz selb holtz mit aller zůgeho^erd habint wir o^vch dem obgenanten Cůnrat Vogelwaider vnd sinen erben geuertgot vnd mit lêhenschafft in ir hant vnd gewalt braht mit des êrwirdigen hêrren abt Georyen vnd des gotzhûs ze sant Gallen² hant, dannen o^vch das selb holtz lêhen ist, als vmb semlichú gůt vnd lêhen gewonlich vnd reht ist ze vertgenn, âne geuerde. Vnd habint v´ns hier v´ber baid willeklich vnd vmbetwungenlich fúr v´ns vnd fúr alle v´nser erben gen dem selben Cůnrat Vogelwaider vnd sinen erben gantzlich verzigen vnd verzîhen v´ns mit disem gegenwúrtigen brief aller aîgenschafft aller lêhenschafft aller reht vnd rehtung aller vordrung aller ansprach vnd mit namen alles rehten gaistliches vnd weltliches gerihtes, so wir an dem zů dem vnd von des vorgeschobenen holtzes wegen ald von dehainer rehtung wegen, so darzů vnd darin geho^ert, iê gehattont ald hie nach iemer gehaben oder gewinnen mo^ehtint in dehainen weg mit dehainen sachen, âne geuerde. Wir habint o^vch baid gelo^vpt vnd lo^vbent mit disem brief fúr v´ns vnd v´nser erben, des vorbenemten holtzes vnd o^vch des ko^vffes reht wern ze sinne nach reht gen ma^englichem an gaistlichem vnd an weltlichem geriht, wâ ald wenn ald wie dik des der vorbenemt Cůnrat Vogelwaider ald sin erben, ob er enwa^er, bedurffent vnd no^vtdurftig sint, âne geuerde. Vnd des ze ainem wâren vrkúnd vnd gantzzer sicherhait aller vorgeschribnen ding vnd geding so habint wir die vorbenemten Hûgo vnd Johans die Růpreht gebrůder baid v´nsri aîgenú insigel fúr v´ns vnd fúr alle v´nser erben offenlich gehenkt an disen brief. Der geben ist an dem na^ehsten ma^entag vor v´nser fro^vwen tag ze der liehtmisse, do man zalt von Cristus gebúrt drútzehenhundert iâr, sibentzig iâr vnd darnach in dem sibenden jâre.

Source Fulltext: Chartularium Sangallense IX, Nr. 5558, S. 230-231.