In^a) nomine domini amen. Per hoc presens publicum instrumentum cunctis ipsum intuentibus pateat evidenter, || quod sub anno domini millesimo trecentesimo septuagesimo septimo, indictione quintadecima, feria secunda || post festum assumptionis beate virginis Marie, que sub anno predicto erat vicesima septima mensis augusti, || hora quasi meridiei pontificatus sanctissimi in Christo patris ac domini domini Gregorii divina providentia pape undecimi anno septimo, in domo habitationis honorabilis viri domini Nicolay de Rauenspurg¹ canonici ecclesie collegiate sancte Verene Zurcziacensis² Constantiensis dyocesis et pro tunc cellerarii capituli eiusdem ecclesie Zurcziacensis sita in villa Zurcziacensi prope ecclesiam Zurcziacensem iuxta stratam publicam, per quam ab ipsa villa Zurcziacensi itur ad oppidum Clingnow³ dicte dyocesis, in mei notarii publici et testium subscriptorum presencia personaliter constitutus honorabilis et discretus dominus Heinricus Spichwardi prepositus⁴ ecclesie sancte Verene Zurcziacensis predicte proposuit et asseruit, quod quamvis ipse dudum in remedium anime sue donaverit et tradiderit honorabilibus et religiosis priori et conventui monasterii celle sancte Marie in monte Berberg⁵ ordinis canonicorum regularium sancti Augustini dicte dyocesis et eorum monasterio redditus annuos et perpetuos nongentorum piscium vulgariter nuncupatorum a^elbellen, qui sibi annis singulis pertinuerunt et provenerunt ac solvi debuerunt et hactenus sibi solute^b) fuerunt de piscina in lacu Thuricensi⁶ a superiore parte pontis in Rapreswile⁷ vulgariter nuncupata die vischencz ze den Húrden⁸, quarum^c) sunt due petie seu partes, que vulgariter zwei fach nuncupatur, sibi invicem contiguis, quarum una pars seu petia vulgariter nuncupatur das fronfach, reliqua vero vulgariter nuncupatur das strittfach, que due partes ex una parte confinantur loco dicto der Herweg⁹ versus oppidum Rapreswile et ab alia parte versus monasterium loci Heremitarum¹⁰ confinantur piscaturis vulgariter nuncupatis der Húrder fach, quamquidem piscaturam in modo locationis habet Mathyas dictus Vischer an dem Horn¹¹ extra muros oppidi Rapreswile predicti residens perpetuo habendos tenendos et fruendos ac etiam dudum eorundem reddituum et sui iuris ipsis priori et conventui dedisset possessionem corporalem. Ut autem huiusmodi sua donatio et traditio per ipsum ut premittitur dudum factas a suis heredibus et a quibuscumque aliis eo minus valeat impugnari seu ipsi prior et conventus et eorum monasterium predicti in possessione dictorum reddituum, quam dudum eis dedisset ut premittitur, pacificam et quietam, prefatus dominus Heinricus prepositus predictam donationem et traditionem innovavit et ex superhabundati, in quantum in eo fuit, iuvando et roborando ac confirmando priorem suam donationem et traditionem prius per eum ut premittitur iterato et denuo donavit et tradidit predictos redditus nongentorum piscium supradictis priori et conventui monasterii in Berberg et dicto ipsorum monasterio omni via iure modo et forma, quibus hoc melius et efficacius a iure fieri potuit valuit et valet suum debitum sortire effectum, volens huiusmodi donationem suam priorem et sequentem inviolabiles atque firmas perpetuo permanere, non obstantibus quibuscumque ordinationibus et dispositionibus per ipsum de bonis et rebus suis nunc factis vel inantea quomodolibet faciendis, per quas dispositiones et ordinationes donacioni et tradicioni de dictis redditibus nongentorum piscium ipsis priori et conventui monasterii im Berberg et ipsorum monasterio factis voluit nee vult aliquis derogare^d) seu derogari. Huiusmodique etiam dispositiones et ordinationes, si que per eum facte invenirentur in preiudicium donationis et traditionis supradicte, quas tamen nullatenus se fecisse credit, revoeavit cassavit et annullavit ac nullas esse voluit. Et ut de premissis publicum confiterem instrumentum, prefatus dominus prepositus me notarium publicum infrascriptum eum instantia requisivit. Acta sunt hec anno indictione mense die hora pontificatu ac loco quibus supra, presentibus honorabilibus et discretis domino V^olrico de Baden¹² canonico et thesaurario dicte ecclesie Zurcziacensis, domino Johanne rectori ecclesie in Baldingen¹³ prope villam Zurtzach, Ru^edgero de Mandach¹⁴ armigero litterato neenon Nicolao dicto Smaltz de Rauenspurg layco Constantiensis diocesis testibus ad premissa vocatis specialiter et rogatis.||
(ST) Et ego Rudolfus Brúngger publicus auetoritate imperiali et curie Constanciensis notarius iuratus, quia premissis proposicioni ac donacionis et tradicionis innovacioni et iteracioni ac voluntatis ipsius prepositi expressioni omnibusque aliis et singulis premissis presens una cum dictis testibus interfui eaque sic fieri vidi et audivi, idcirco de premissis presens publicum instrumentum confeci et prothocollavi et me aliis legitimis occupacionibus prepedito de prothocollo meo ingrossari feci et per hanc subscripeionem meam manu mea propria faetam publicavi signoque meo solito et consueto signavi in testimonium omnium premissorum.

Source Fulltext: Chartularium Sangallense IX, Nr. 5603, S. 275-277.