Wir^a) Růprecht^b) der elter, Růprecht^b) der júnger, Otte^c), Steffen^d), Fridrich^e), Johans vnd Růprecht^f) der júnste von gottes gena^vden alle pfalntzgrafen bi Rine^g) vnd hertzogen in Baigern^h) vnd wir Bernhart margraufe ze Baden bekennen offenba^vr mit disem brieff, darzů versprechen wir vorgenanter Bernhart || besunderlich | fúr v´nsern brůder margrauf Růdolffenⁱ⁾ von Baden, der noch zů sinen tagen nit komen ist, wan wir mit gantzer begirde dar vff genaigt sien zů fride vnd gemainen nutz der lande vnd daz witwen vnd waisen arm vnd rich pilgrin kouflút lantfarer vnd koufmanschatz gotzhúser vnd || ander | gaistlich lúte beschirmet werden sicher sien vnd bi gena^vd beliben, so haben wir mit wolbeda^vchtem můte dem hailigen Romischen^k) rich ze sterkunge ze nutz vnd o^vch ze eren vns selber vnd den v´nsern vnd gemainem lande ze fride vnd ze gemach vns mit den erbern vnd wisen luten | dez hailigen || Ro^emischen richs stetten Vlm, Costentz, Esslingen, Rútlingen^l), Rotwile, Wile, V´berlingen^m), Memmingenⁿ⁾, Bibrach^o), Ravenspurg^p), Lindow^eq), sant Gallen, Kemptun^r), Koufbúren^s), Lútkirch^t), Ysnin, Wangen, Pfullendorff^u), Bůchorn, Bůchow^e, Nordlingen^v), Dinckelspuhel^w), Rotenburg vff der Tuber^x), Gemúnd, Halle, Hailprunnen^y), Winpfen, Winsperg^z), Bopfingen, Aulon, Giengen, Wile in Turgow^eaa) vnd Appentzelle^ab) daz land fruntlich vnd genedeclich verainiget vnd verainigen o^vch v´ns ietzo mit in mit rechter wissend in kraft ditz brieffs wir vorgenanten fúrsten mit v´nsern gůten trivwen vnd fúrstlichen eren vnd wir vorgenanter margrauf Bernhart mit gůten trivwen vnd geswo^vrnem aide, den wir dar vmbe liplich mit vff gehaben vingern vnd gelerten worten zů den hailigen gesworn haben, mit vns selber vnd allen v´nsern stetten vestinan schlossen landen vnd lúten dienern rittern vnd knechten hinnan von hivt dem tag, alz dir brieff geben ist, bis vff sant Go^eryen^ac) tag den nechsten vnd dar na^vch fúnf gantziv jar div nechsten na^vch ain ander in solicher beschaidenhait, alz her na^vch geschriben sta^vt. Zum ersten setzen vnd nemen wir vsz v´nsern heren den Romischen kúnig vnd dem hailigen^ad) rich siniv recht ze tůnd a^vne geverde, den stůl ze Rom^ae), den kunig von Vngern, hertzog Aulbrecht^af) von Baigern^h)1, v´nsern vetter, v´nser hertzog Otten bru^eder, v´nsern sweher den burgraufen von Núrnberg^ag) vnd vnsern sweher den graufen von Go^ertz², doch also, ob ieman, wer der wa^ere, die vorgenanten stette gemainlich oder ir ain oder mer besunder von iren briefen frihaiten gůten gewonhaiten oder si von ain ander dringen oder zertrennen wolte vnd da von die vorgenanten stette dez richs geswechet wurden, dez súllen wir in samentlich vnd besunder nach allem v´nserm vermúgend getrvweclich vor sin vnd o^vch darzů bera^vten vnd beholfen sin a^vne geverde, alz lang bis si bi solichen iren frihaiten brieffen gůten gewonhaiten vnd bi ain ander beliben sind. Wa^ere aber sache, daz ieman, wer der wa^ere, die vorgenanten stette gemainlich oder ain oder mer besunder angrifft vnd beschadigety mit nome mit brand mit ro^vbe oder mit andern sachen, wenne denne wir oder v´nser amptlúte, die dem angriff vnd beschadigung aller nechst gesezzen oder gelegen sind, von den obgenanten stetten oder von den, den der schad beschechen oder widerfaren wa^ere, dar vmb gemant oder ze frischer geta^vt gehaischen wurden, oder alz bald wir oder v´nser amptlúte dez sus innan oder gewar wurden, so súllen wir vnd die v´nsern vnuerzogenlich ze frischer geta^vt darzů griffen keren vnd tůn a^vne alle geverde von ainem mittem tag an den andern a^vne alle geverde ze gelicher wise, alz ob v´ns daz selber beschechen wa^ere, na^vch allem irem besten, bis daz der angriff vnd beschadigunge ze frischer geta^vt erobert vnd widerkert wirt. Wa^ere aber sache, daz die angriff vnd beschadigunge also gestalt vnd geschaffen wa^eren, daz si ze frischer geta^vt nit erobert noch vssgetragen werden solten noch mo^echten oder daz si v´nser hilft sus ze teglichen kriegen bedorfften vnd ha^vn můsten, so mu^egend die selben stett oder stat v´ns hertzog Růprecht^f) den eltern, hertzog Růprecht^f) den jungen vnd hertzog Růprecht^f) den júngsten vnd margrauf Bernharten vorgenanten oder v´nser amptlúte, die wir ze Haidelberg³ haben, manen gen Haidelberg in die stat vnd v´ns hertzog Otten, hertzog Steffan^d), hertzog Fridrich^ah) vnd hertzog Hansen^ai) oder vnser amptlúte, die wir zů Landsperg^ak) haben, manen gen Landsperg^ak) in die stat oder ob si v´ns oder die selben v´nser amptlúte neher fúnden, ane geverde, si selb oder mit iren botten oder briefen, vnd so wir oder v´nser amptlúte von in also ermant werden, so súllen wir Růprecht^b) der elter, Růprecht^f) der jung, Růprecht^b) der jungste vnd margrauf Bernhart vorgenant an ainem tail oder vnser amptlúte vorgenant vnd wir Ott, Steffan^d), Fridrich vnd Hans^al) oder v´nser amptlúte vorgenant von v´nsern wegen an dem andern tail v´nser ieglichs tail besunder, welher tail denne ermant wirt, inwendig den nechsten acht tagen dar nach in hundert mit gleven erber lúte bestellen vnd haben vnd die o^vch wir v´nser ieglicher tail in halb in den nechsten acht tagen dar nach an die stett, die v´ns oder v´nsern amptlúten vorgenant von in denne benempt werdent, schiken vnd senden súllen vnd den andern halb tail der selben gleven aber in den nechsten acht tagen dar na^vch, ob sie dez bedurffend, vff v´nser aigen kostan vnd zerunge, vss genomen allain holtz herberg stro^vwe ho^ewe vnd liecht, daz si in, alz bald si in ir schlosse koment, geben súllend a^vne alle geverde, vnd sullend o^vch daz tůn alz lange, bis daz div sach vss getragen wirt vnd der schad wirt ab geleit, a^vne alle geverde. Ouch súllen si dem selben v´nserm volk in iren schlossen redlichen vailen kouff geben vmb ir gelt a^vne alle geverde. Wa^ere aber, daz solich angriff vnd beschadigunge also gestalt wa^eren, daz si mit den obgenanten ieglichs tails hundert mit gleven nit erobert noch vss getragen werden mochten vnd daz si v´nser ieglichs oder ains tails hilffe furbaz bedúrffend vnd notdúrftig wúrden, so múgen si ir bottschafft zů v´nser ieglichem tail oder zů v´nsern amptlúten vorgenant schicken vnd senden, v´ns in der sach, der si notdúrftig sind, ze vnderwisen vnd o^vch vmb hilff dar vff ze manen, vnd súllen wir v´nser ieglichs tail, welher denne ermant wirt, na^vch der manung in den nechsten acht tagen mit v´nsern ra^eten v´ber die sach sitzen vnd v´ns erkennen na^vch v´nsern trivwen vnd eren, waz hilff in darzů notdúrftig si, nach dem alz v´ns vnd v´nser ra^vte dunkt vnd erkennen, alz si billich súllen, daz div sach gestalt si vnd alz ob ez v´nser ieglichs tails aigen wa^e, den stetten oder der stat ze hilff ze komen mit so vil volks, alz wir v´ns ieglichs tails erkennet haben, daz in hilfflich si vnd damit div sach erobert vnd vss getragen werden múge, a^vne alle geverde, vnd div hilff sol beschechen von v´nserm ieglichen tail in den nechsten vierzehen tagen nach den vorgenanten acht tagen a^vne alle geverde. Wa^ere ez o^vch, daz wir die vorgenanten fúrsten vnd heren, von welhem tail daz wa^ere, nit in vnsern landen wa^eren, wenne denne v´nser ieglichs tails amptlúte mit namen der vitztum ze Haidelberg oder der vitztum ze Lantsperg^am) oder welhi von iren wegen da amptlúte wa^eren, von den obgenanten stetten vmb hilff ermant werdent, alz vorgeschriben sta^vt, die selben v´nser ieglichs tails vitztum vnd amptlúte súllen in die selben hilff vnuerzogenlich tůn vnd voileziehen ze gelicher wise, alz dis hie vor von v´ns geschriben sta^vt, a^vne alle geverde. Ez súllen o^vch den vorgenanten stetten allen alle v´nser beider tail fúrsten vnd heren vestynan stette vnd schlosse offen sin zů allen iren notdúrften, alz vor geschriben sta^vt, a^vne alle geverde. Ware o^vch sache, daz in der zit, alz disiv v´nser verainung weren sol, solich lo^vffe vnd sach vff stůnden, daz man geleger vnd besesses ains oder me fúr ain stat vestin oder schlosse bedúrffend wúrde vnd ha^vn můsten, beschechen denne solichiv geliger v´ns den vorgenanten zwain tailen fursten vnd heren, welhem taile daz vnder vns wa^e, ze dienst vnd ze liebin vnd von dez selben tails wegen, so sol der selb taile vnder vns, weihen tail daz an gieng, waz kostan oder schaden dar vber gieng vnd wachsend wúrde von gezivgs vnd werklut wegen, dar geben vnd vssrichten dem andern tail der fúrsten vnd o^vch der obgenanten stett ane schaden, doch welhes tail daz vnder vns den fúrsten vnd heren an ga^vt, daz die obgenanten stette dem selben tail iren gezivge, ob daz selbe tail dez darzů bedo^erffte, lihen súllen a^vne alle widerrede, vnd den o^vch wir beid taile der obgenanten fúrsten vnd heren in iren stetten holen vnd wider dar in antwúrten súllen mit vnsern aigen kostan a^vne alle geverde, vnd waz och daz selb taile vnder vns fúrsten vnd heren vorgenant stette vestinan oder schlosse gewúnnen, so der zog v´nser der vorgenanten fúrsten vnd herren an ainem tail wa^ere vnd von v´nsern wegen, welhs tail daz wa^ere, dannan gieng alz vorgeschriben sta^vt, vnd ob daz selb taile in den selben schlossen icht gefangner wurden, mit den selben schlossen vnd gefangen múgen wir daz selb tail vnder v´ns den fursten vnd heren, daz daz an ga^vt, leben vnd tůn, wie daz selb tail wil, daz daz ander tail der vorgenanten fúrsten vnd heren vnd o^vch die obgenanten stette dar an nichtzit múgen engen oder drengen in dehain wise, doch also, daz daz selb taile, daz mit namen also versorgen sol, daz dem andern tail fúrsten vnd heren vnd o^vch den stetten von den selben schlozzen vnd gefangen dar vmb kain schad me vff stand ane alle geverde, vnd dez gelichen sol dem andern tail fúrsten vnd heren vnder v´ns vorgenant vnd o^vch den stetten obgenant her wider vmb o^vch recht sin. Beschechen aber solichiv geliger vnd besesse von v´ns baiden tailen der obgenanten fúrsten vnd herren vnd o^vch von den obgenanten steten von der tail aller dryer gemains nutze wegen vnd mit gemainem ra^vte, so súllen wir die selben dri taile den schaden vnd kostan, der von gezivge vnd werklút dar vber gienge, gemainlich liden vnd tragen, also daz ieglicher tail v´nser der vorgenanten fúrsten vnd heren ainen drittail vnd die obgenanten stette o^vch ainen drittail richten súllen, vnd waz also gewunnen wúrde stett schlosse vestinan oder gefangner, da sol ieglicher tail v´nser vorgenanten fúrsten vnd heren ainen drittail vnd die obgenanten stette o^vch ainen drittail an nemen vnd haben. Bescha^ech aber daz von ainem tail v´nser der vorgenanten fursten vnd heren vnd von den obgenanten stetten an dem andern tail, so sol daz selb tail v´nser vorgenanten fúrsten vnd heren vnd o^vch die obgenanten stette die kost vnd schaden von gezivg vnd werklút wegen vnd o^vch den nutz vnd fromen an schlossen vnd gefangen, alz vorgeschriben sta^vt, gemainlich liden vnd tragen haben vnd nemen, also daz ieglichs tail dar an ain halb tail haben tragen vnd nemen sol, vnd alz bald o^vch der zog vnd raise ain ende nimpt, so súllen heren vnd stette vorgenant in ainem manod dem nechsten dar nach ze samen komen oder ir ra^ete mit macht dar schicken, also wa^ere, daz die sach an v´ns die vorgeschriben hertzog Růtprecht^f) den eltern, hertzog Růprecht^b) den jungen, hertzog Růprecht^f) den jungsten vnd die margraufen vorgenant vnd die egenanten stette an gieng, so súllen wir beid tail komen oder v´nser rete mit macht schicken gen Esslingen^an) in die stat. Ware aber, daz ez v´ns obgenanten hertzog Otten, hertzog Steffan^d), hertzog Fridrich^ah) vnd hertzog Hansen vnd die egenanten stette die zwen tail besunder oder o^vch beid taile v´nser der vorgenanten fúrsten vnd heren vnd die egenanten stette die tail alle dry an gieng, so súllen wir die dry tail komen oder vnser rete mit macht senden gen Vlm in die stat vnd súllen die kost da an legen vnd in dem nechsten manod dar na^vch bezalen a^vne allez verziehen a^vne geverde. Me ist berett, ob daz ware, daz wir die vorgenanten fúrsten vnd heren, von welhem taile daz ware, oder dehain vnser man diener burgman stette oder stetburger closter oder gaistlich lúte oder gebursmanne zů den vorgenanten stetten gemainlich oder zů ir ainer oder mer besunder oder zů der selben stette burger closter closterlúten oder gebursmannen vnd die doch ouch in gůten geswornen besetzten gerichten gesezzen waren, ze clagen ze sprechen oder ze vordren hetten oder gewúnnen, dar vmbe sol man recht von in nemen vnd na^vchfaren vor den schulthaissen in den stetten oder vor den gerichten, da si denne gesezzen sind, vnd sol man in o^vch dez rechten beholffen sin, daz in daz nit verzogen werde, a^vne alle geverde. Ware och, daz die vorgenanten stette an v´nser der vorgenanten fúrsten vnd heren, von welhem taile daz ware, ir dehainiv ainiv oder me oder der selben stett burger gebursmanne closter oder closterlute zů v´nsern stetten oder v´nser stett burger oder dehainem v´nserm gebursmanne oder closterlúten vnd die doch in gůten geswornen besetzten gerichten gesezzen waren, ze clagen ze sprechen oder ze vordren hetten oder gewúnnen, dar vmbe súllen si den selben v´nsern stetten stett burgern closterlúten oder gebursmannen o^vch na^vch faren vnd recht von in nemen an den gerichten vor den schulthaissen vnd an den stetten, da si denne gesessen sind, doch daz man in dez rechten o^vch beholffen si vnd in daz nit verzogen werde, alz vorgeschriben sta^vt. Bescha^ech aber daz, daz der vorgenanten stett dehainiv ainiv oder me oder dehain ir burger ichtzit zů v´ns oder zů v´nsern dienern, ez wa^eren heren ritter oder knecht closter oder gaistlich lúte, ze sprechen oder ze clagen hetten oder gewúnnen, daz súllen die selben stett oder stat oder der selben stett burger, die div sach an gat, bringen an vns die obgenanten fúrsten vnd heren, welhes tail denne vnder v´ns div sach an ga^vt, oder an v´nser amptlút, also ob div sach v´ns vorgenanten fúrsten vnd heren hertzog Růprecht^f) den eltern vnd die von dem selben tail sind, an ga^vt, so súllen si daz bringen an v´nsern vitztum ze Haidelberg^ao) oder wer an siner stat zů der zit da ist, ez wa^e denne, daz ez v´ns vorgenanten margraufen von Baden an treffe, so súllen si daz bringen an v´nsern amptman ze Pfortzhain^ap). Ware aber, daz daz v´ns vorgenante fúrsten hertzog Otten, hertzog Steffan^d), hertzog Fridrich^ah) vnd hertzog Hansen^ai) an treffe, so súllen si daz verkúnden v´nserm vitztum ze Landsperg^ak) oder wer an siner stat zů der zit da ist, vnd súllen wir obgenanten fúrsten vnd herren von baiden tailen, welhem tail denne vnder v´ns also zů gesprochen wirt, na^vch dem alz si daz an v´ns oder an v´nser amptlúte bra^vcht ha^vnt, alz vorgeschriben stat, inwendig den nechsten vierzehen tagen a^vne alle geverde dri vss v´nsern raten, welich dri denne die vorgenanten stett oder die iren, die div sach an ga^vt, benement vnd die schiken an die stett, alz her nach geschriben sta^vt. Also wa^ere, daz div sach v´ns obgenante fúrsten vnd heren hertzog Růprecht^f) den eltern vnd die zů dem selben tail gehorent, alz vorgeschriben sta^vt, an gieng, so súllen wir die selben dry v´nser ra^ete schiken vnd senden gen Súnshain^aq) oder gen Brethain^ar), welhiv stat v´ns denne von in oder den iren benempt wirt. Gieng ez aber v´ns vorgenanten margraufen an, so súllen die selben dry ra^ete riten gen Pfortzhain in die stat. Wa^ere aber, daz div sach an gieng v´ns vorgenante fúrsten hertzog Otten, hertzog Steffan^d), hertzog Fridrich^ah) vnd hertzog Hansen^ai) oder die v´nsern, alz vorgeschriben sta^vt, da súllen wir die selben dry v´nser ra^ete schiken vnd senden gen Swebischem Werde^as), gen Wissenhorn^at) oder gen Lantsperg^am), in welhi stat vnder den dryen si oder die iren die danne hin vordrent vnd manent, vnd súllen och wir obgenanten fúrsten vnd heren schaffen, daz wir oder die v´nsern, zů den si oder di iren danne ze sprechen haben, in rechtz vff den tag vff die obgenanten dry v´nser ra^ete, die denne die vorgenanten stett oder die iren also darzů genomen hetten, gestatten vnd widerfaren la^vssen vnd daz o^vch daz nit verzogen werd, a^vne alle geverde, vnd sullen o^vch die selben dry v´nser rete daz recht dar vmb sprechen vff ir aide, ob sie daz nit frúntlich mit baider partyen willen vnd wissen verrichten mochten, vnd súllen o^vch vff baiden siten verkomen vnd bestellen a^vne alle geverde, daz dar v´ber dehainerlai angriff noch phandung a^vn recht nit beschech. Beschech aber daz dar v´ber, daz súllen wir vff baiden siten schaffen widerta^vn vnd ledig la^vssen vnd daz si dar vmb zů dem rechten komen in aller der wise, alz vorgeschriben sta^vt. Doch haben wir allermenglich vnd iederman vmb alle verbriefet schuld vnlo^vgenbar gúlt vnd vmb ho^vbgelt vogtrecht stúr vnd zins alliv iriv recht behalten vnd vssgesetzt, alz daz von alter bis her komen ist, a^vne alle geverde. Wa^ere o^vch, daz wir vorgenanten fúrsten vnd herren vff baiden tailen vnd die egenanten stett mit ieman ze krieg ka^emen, wer der wa^ere, vnd daz der krieg in der zit, alz wir v´ns mit in verainiget haben, nit vssgetragen wurde, so súllen wir obgenanten fúrsten vnd heren vnd die egenanten stette nach der ainigunge vszgang ain ander dennocht beholffen sin, bis daz der krieg verricht wirt, a^vne alle geverd. Ez sullen o^vch v´nser obgenanten fúrsten vnd heren aller zů baiden tailen alle v´nser vo^egte amptlúte vnd schulthaissen in allen v´nsern landen, si sien vff vestinan in stetten oder in do^erffern gesezzen, disi ainunge ouch sweren mit gelerten worten vnd vff gebotten vingern ze halten getrivweclich a^vne alle geverde, alz vorgeschriben sta^vt, vnd wenne si da haim nit waren, die denne an ir stat waren, a^vne alle geverde, vnd wenne ir ainer oder mer ab gieng oder entsetzt wurde ane geverde, so súllen wir vorgenanten fúrsten vnd herren, von welhem taile daz wa^ere, alle wegen ainen oder ander an der selben stat in dem nechsten manod dar na^vch dar setzen vnd geben vnd der o^vch die verainung swerent wirt ze halten ane alle geverde, alz vorgeschriben sta^vt. Wir vorgenanten fúrsten vnd heren alle nemen vsz die lantfrid zů Francken^au) vnd ze Baigern^h), besunder nemen wir Růprecht^f) der elter, Růprecht^b) der jung vnd Růprecht^b) der júnste vnd o^vch die margraufen vorgenant vss die lantfrid in der Wdra^vwe^av)3, by dem Rine^g) vnd in Elsaszen^aw) vnd die heren vnd stette, die darinne sind, in aller der ma^vsze, alz die selben lantfrid sta^vnd, a^vne alle geverde, vnd wir Růprecht^f) der jung vorgenanter nemen vsz die ertzbischoff von Ko^elne^ax) vnd von Triere^ay), von den wir belehnet sien. So nemen wir hertzog Ott, hertzog Steffan^d), hertzog Fridrich^az) vnd hertzog Hans^al) vorgenant vss v´nsern swa^vger grauff Eberharten vnd grauf V^olrichen von Wirtenberg^ba), zů den wir v´ns verbunden haben, die wile die selben buntnússe werent. Vnd dez allez ze warem vrkund geben wir vorgenanten Růprecht^b) der elter, Růprecht^f) der jung, Ott, Steffan^d), Fridrich^e), Johans vnd Růprecht^b) der júngste von gotz gena^vden alle pfalntzgraufen bi Ryne^g) vnd hertzogen in Baigern^h) vnd wir Bernhart margraufe ze Baden fúr v´ns vnd fúr vnsern brůder margrauf Růdolffen^bb), der noch zů sinen tagen nit komen ist, den vorgenanten stetten gemainlich disen brieff besigelten mit v´nsern aignen insigeln, die alliv offenlich ze gagen hangent. Der geben ist ze Baden⁴ an sant V^olrichs^bc) tag, do man zalt von Cristz^bd) gebúrt drivzehen hundert jar vnd dar nach in dem núnden vnd sibentzigistem jare.

Source Fulltext: Chartularium Sangallense IX, Nr. 5722, S. 386-391.