Wir^a) dise nachgeschribnen dez hailigen Ro^emischen richs stete Vlme, Costentz, Ezzlingen, Rútlingen, Rotwile, || Wile, V´berlingen, Memmingen, Bybrach, Rauenspurg, Lyndow, sant Gallen, Phullendorff, Kemptvn, Koufbúrren, || Livtkirch, Ysny, Wangen, Bůchorn, Bůchow, No^erdlingen, Dinkelspúhel, Rotenburg vff der Tuber, Gemv´nde, Halle, || Hailbrvnnen, Wymphen, Winsperg, Pophingen, Aulvn, Giengen, Wile in Turgo^ew vnd Appenzelle daz lande bekennen offenlich mit disem briefe, daz wir mit gůtem willen den durchlúchtigsten hochgebornen fúrsten vnsern genedigen herren hern Růpreht dem eltern, hern Růpreht dem jungen, hern Otten, hern Steffen, hern Fridrich, hern Hansen vnd hern Růpreht dem júngsten alle von gotz genaden phalntzgrafen by Rin vnd hertzogen in Baygern etc. vnd hern Bernhart vnd hern Růdolfen gebru^edern margrafen ze Baden, alz wir vns zů in vereiniget haben, gelobt vnd versprochen haben vnd versprechen in krafft ditz briefes, daz wir den hochwirdigen hern Adolfen erweite ertzbischoff ze Mentze vnd bischof ze Spire¹ in keyn vnser aynunge noch buntnúzze weder samentlich noch besunder niht ein nemen noch enphachen súln noch wellen in deheinen wege, alle die wile div aynvnge weret, die wir mit den obgenanten fúrsten vnd herren gemachet haben. Mit vrkúnt ditz briefes, den wir in dar v´ber von vnser aller haissentz wegen besiglt geben mit der zwaiger stete Vlme vnd Ezzlingen angehenkten insigln. Der geben ist ze Vlme an sant V^olrichs tag, do man zalt nach gotz gebúrt drivzehenhvndert jar vnd dar nach in dem nivnden vnd sibentzigosten jare.

Source Fulltext: Chartularium Sangallense IX, Nr. 5723, S. 392-393.