Wir^a) Chůn von gottes gnaden abt des gotzhus ze sant Gallen¹, daz ân alles mittel zů geho^ert dem stůl || ze Rome, sant Benedichten ordens in Costentzer bystum veriehen vnd tu^en kunt offenlich mit disem brief allen, die || in an sehent lesent oder ho^erent lesen, als v´ns v´nser lieben vnd getruwen burger ze Wil² gehúlt vnd gesworn hant, || bescha^eh, das got nit well, daz ain ander heir ka^em vnd ain pûll von dem babst ze Rôm bra^eht vnd inen die gezo^egt wurd, vor e daz wir in v´nser pûll gezo^egt hettint, vnd v´ns die abtye an behu^eb mit reht oder mit gewalt, wenn daz beschiht, so sont sú dez aidez ledig sin, so sú v´ns getan hant, ân alle geuerd. Vnd dez ze ainer besta^eten sicherren warhait aller vorgeschribener ding haben wir abt Chůn da vorgenant v´nser insigel offenlich gehenkt an disen brief. Der geben ist ze Wil in v´nser statt an der na^ehsten mitwochen vor sant Margretun tag, do man zalt von gottes gebúrt drúzehenhundert jar, sibentzig jar, darnah in dem núnden jar.

Source Fulltext: Chartularium Sangallense IX, Nr. 5727, S. 395.