Wir grauf Ludwig vnd wir grauff Ffridrich von O^ettingen¹ gebru^eder vergehen offenlich vnd ainmu^etklichen mit disem briefe allen den, die in sehend lesent oder ho^erint lesen, den redlichen || vnd gerehten wege, die dez hailgen Ru^emschen rychs stett in Swaben Vlme, Costens, Esslingen², Ru^etlingen³, Rotwile⁴, Wille⁵, V^eberlingen⁶, Memingen⁷, Bybrach⁸, Rauenspurg⁹, || Lindâw¹⁰, sant Gallen, Kempten¹¹, Ka^vffbu^erun¹², Livkirch¹³, Ysnin¹⁴, Wangen¹⁵, Bůchorn¹⁶, No^erdlingen¹⁷, Dynkelspu^echel¹⁸, Boppfingen¹⁹, Aulun²⁰, Gemu^end²¹, Halle²², Haylgprunnen²³, Winpfen²⁴ vnd Winsperg²⁵, || alz die den bund mit anander gesworn haben vnd in Swâben fu^er sich genomen habent vnd steteklich haltent vnd fu^erent, vnd da mit a^vch gemains lande geschirmet vnd in fride vnd gemache gesetzt werden mag, ye doch wan si denne dem haylgen Ru^emschen ryche alliv siniv recht ze haben vnd ze tůnt aun alle geuerde mit namen hant vzgesetzt, dar vmb vnd von so^ellicher frivnschafft vnd liebe, die wir vnd alle vnserer vordem grauffen vnd herren von O^ettingen zů den vorgenanten dez rychs stetten alle zit mit gantzem willen gehept haben, vnd a^vch wir ob got wil nu^en fu^er sich hin yn ku^enftigen ziten mit gantzem craffte haben su^ellen vnd wellen, so haben wir vns mit gůten fu^ersetzen wolbedachtem sinne vnd můt nach ra^vt vnsers ra^vtz vnd vil anderrer vnser lieben vnd getriwen vns selb mit allen vnsern landen vnd lu^eten vestinan slozzen stetten vnd dieneren zů den vorgenanten dez haylgen Ro^emschen rychs steten gemainlichen in den êgeschriben irn bunde jetzo tugendlichen vnd gern willeklichen vnd vnbetwungenlichen gestrikt verpflicht vnd verbunden, verstriken vnd verbinden vns a^vch daryn jetzo mit rehter wizzent vnd mit crafft ditz briefes mit vnsern gůten trvwen vnd mit geswornen ayden, die wir baid dar vmb liplich zů got vnd zů den hailgen mit vfgeboten vingeren vnd gelerten Worten gelopt vnd gesworn haben, den selben irn bunde, alli die wil vnd er werot vnd gemachet ist, daz wnt^a) hinnan biz vf sant Georien tag den nechsten vnd dâr nach fu^enf gantziv jar yn alle wise mainuge vnd wort stet ze halten ze laysten vnd a^vch ze vollfu^ern allez, daz hie nach begriffen vnd geschriben stât, aun alle geverde. By dem ersten, wa^er ez sache, daz iemen were der were niemen vzgenomen die vorgenanten stet gemainlichen oder ir ain ald mer besunder von irn gnaden ffryhait rechten briefen gůten gewonhaiten ald von irm bunde oder an irn schlozzen stetten lu^etten oder gůten tringen triben an griffen oder beschadigen wo^elte, daz wir dann den selben steten oder stat, ir were ainiv oder mer, dar zů mit vnserer mu^egent su^ellen zů ziehen bera^vten vnd beholfen sin aun alle geverde in der weisse, wenn oder alz bald wir daz vernemen oder innan ald gewar werden oder daz wir ald, ob wir in lands nicht enweren, vnser vo^egte vnd amptlu^et an vnser stat von in dar vmb ermant werden, dar zů mit vnserer vermu^egent zů ziehen vnd in daz helfen vor sin zehen mille wegs von vnsern landen, welchs wegz si denn dez nottu^erftig werden oder bedu^erfen, getrvlichen vnd aun all geverde vnd ze gelicher wisse, alz ob ez vnserer selbs sache wa^ere, alz lang vntz daz daz gentzlichen erobert wirt, vnd su^ellen a^vch vnser der obgenanten graffen ainer mit namen, ob wir in landz^b) sien oder welcher vnder vns in landz ist, mit sin selbs libe by dem zog beliben vnd sin vz vnd vzz, biz daz der gentzlichen zergaut vnd geendet wirt, aun alle geverd, ez wa^ere dann, daz vns die stett, die div sache dann angienge, erlaupten. Wa^er aber sache, daz die vorgenanten stett ain strichent rayzz tůn wo^elten ald w^erden, wann daz bescha^ech v^eber lang ald v^eber kurtz ainost oder mer, so su^ellen wir in, ob si vns dar vmb ermanent ald wann si vns dar vmb zů sprechent, dar zů mit zehen spiezzen dienen vnd beholfen sin die selben strichenden raizze vss vnd vs, wa si der denn bedu^erfent, getrvwlichen vnd aun all geverde gentzlichen aun ir schaden. Wir haben vns a^vch zů den vorgenanten stetten also verbunden, ob daz were daz si iendert mit raysigem volke kriegen raizzen vnd mit so^ellichem irem volke zů landwer ligen vnd kriegen wo^elten, dar zů su^ellen wir in mit vier spiezzen, ob si vns dar zů ermanent, dienen vnd auch beholfen sin vnd a^vch mit irm volke zů landwer ligen, alz lang si der da bedu^erffent, getrvwlichen aun alle geverde vnd gentzlichen aun im schaden. Wa^er a^vch, daz wir oder vnser diener mit dez rychs stetten ze raizzen ald zů velde ziehen w^erden, so su^ellen wir vnd vnser dyener vor widersagen vnd vns bewarn aun alle geverde, ez were dann zů fryscher getaut, so bedu^erfen wir nicht widersagen, dar zů su^ellen in all vnser vestinan schlozz stette vnd lande iriv offeniv hu^ezzer, diewil der vorgenant bunde werot, haizzen vnd sin zů allen im notu^erften aun alle geverd, doch daz wir der kost dehainen schaden haben su^ellen. Doch haunt vns die vorgenanten stett gegu^ennet vnd erlaubet, daz wir von dizz bunds wegen wider den edeln grauff Chůnr. von Helfenstain²⁶ vnd wider anderiv siniv geswistergit vnd grauff Hansen von Helfenstain²⁷ vnsern swestersun nicht sin noch tůn su^ellen, wan wir die gentzlichen vzzgesetzt haben. Vnd were ez sache, daz durchlu^ehtigen hohgeborn fu^ersten vnd hern die hertzogen von Bayeren²⁸ wider die vorgeschriben stett ainiv oder mer sin wo^elten^c) oder den widerechtz tůn wo^elten, so su^ellen wir den selben fu^ersten vnd herren vor hin erberklichen absagen, e daz wir wider sie tu^ewen, daz habent vns die vorgeschriben stett a^vch erlaubet. Auch haben wir dem haylgen Ru^emschem ryche alliv siniv recht vz genomen zů halten vnd zů tůn aun all geverde. Auch sol man vns by rechten fryhaiten vnd gůter gewonhait behalten vnd beheben aun alle geverde. Ez su^ellen a^vch alle vnser vo^egt vnd amptlu^et dissen bunde auch sweren ze halten in aller der wise, alz hie vor geschriben sta^vt. Vnd daz wir all vorgeschriben artikel sache vnd bunde waur vnd stet halten, alz sie hie vor geschriben staut, aun alle geverde, dez ze vrku^ent vnd stetter sicherait geben wir dem obgenanten bunde vnd stetten disen brief versigelt vnd gevestet mit vnsern insigelen, div baidiv offenlichen dar an hangent. Der geben ist an sant Johans tag ze su^enwenden, do man zalt von Cristus gebu^erde drivzehen hundert jar vnd in dem nu^en vnd sibenzigostem jar.

Source Fulltext: Chartularium Sangallense IX, Nr. 5718, S. 375-377.