Wir^b) Wenczlaw von gotes gnaden Romischer kunig zu allen zeiten merer des reichs vnd kunig zu || Beheim bekennen vnd tun kunt offenlich mit disem brief allen den, die yn sehen oder horen lesen, || das für vns bracht ist von wegen des erwirdigen vnd geistlichen Cunen apts zu sant Gallen³ || vnsers vnd des richs fursten vnd lieben andechtigen vnd sein demuticlichen gebeten, das wir ym solich gnade teten, wo die eigenschaft sein vnd des goczhus zu sant Gallen sey vnd doselbist die vogtey von vns vnd vnsern vorfarn an dem reiche Romischen keisern vnd kunigen versaczt sey, das er vnd sein nachkomen apte zu sant Gallen gewalt hetten zu losen. Des haben wir angesehen soliche getrew^e dienst, die er vnd sein vorfarn vns vnd dem allerdurchluchtigsten fursten seliger gedechtnuzz keiser Karlen vnserm lieben herren vnd vater getan haben, vnd ouch soliche fleissige bete vnd dienste, so der edel Lucz von Landow⁴ vnser vnd des reichs lieber getrver vns offt getan hat, vnd haben dorumb mit wolbedahtem mute vnd gutem rate vnserr vnd des reichs fursten demselben vnserm fursten vnd seinen nachkomen apten zu sant Gallen vollen gewalt gegeben vnd geben yn mit crafft dicz brieues, das er an vnserr stat, wo das ist vnd an welichen enden er vnd des^d) goczhus eigenschafft hat, als vorgeschriben stet, das er die losen sol vnd mag, wann es ym allerfugelich ist, vnd geben ym auch vollen gewalt vber den bann solicher vogteyen ze richten, als sich das geburet vnd von rechts wegen. Vnd gebieten allen den, die soliche pfant von vns vnd dem riche ynnehaben, das sie zustund gehorsam sein eyner lo^esung, wenn sie des ermanet werden mit disem brieff. Vnd wollen auch, was pfant der egenant vnser furste also erlediget vnd erloset hat, das er vnd sein nachkomen apte zu sant Gallen die in pfandeswyse ynnehaben vmb als vil geltes, als er sie denn erlodiget^c) vnd erloset hat, als das soliche brieff wol vzsagen, die vnser vorfarn dar vber geben haben, also lange bis das wir oder vnser nachkomen soliche pfant wider von yn erlosen vmb soliche summe geltes, als sich das gepu^eret vnd als die egenanten brieff vzsagen von den vorgenanten vnsern vorfarn an dem riche, doch vnschedlich vns vnd dem reiche vnd dem hochgebornen Lupolten herczogen zu Osterrich zu Steyern zu Kernten⁵ etc. vnserm lieben oheim vnd fursten an vnsern vnd seinen rechten. Mit vrkunt dicz brieues versigelt mit vnserr Romischen kuniglicher maiestat insigel. Der geben ist zu Prage nach Crists geburt dreyczenhundert jar, dornach in dem newnvndsibenczigsten jare, an sant Gallen tag, vnserr reiche des Behemischen in dem sibenczehendem vnd des Romischen in dem vierden jaren.

Source Fulltext: Chartularium Sangallense IX, Nr. 5745, S. 414-415.