Wir^a) Wenczlaw von gots gnaden Romischer kunig zu allen zeiten merer des reichs vnd kunig zu Beheim bekennen vnd tun kunt offenlichen mit disem briue allen || den, dy yn sehen oder horent lezen, das wir haben angesehen stete lawtere truwe vnd nucze dinste, die vns vnd dem reiche der vogt rat vnd burger gemeynlichen der stat || ze Rapperswil³ vnsere liben getruwen offte nuczlichen getan haben vnd noch tun sullen vnd mugen in kunftigen zeiten, vnd haben sie darumb mit wolbedachtem mute rate vnser vnd || des reichs fursten vnd liben getruwen gefreyet vnd begnadet freyen vnd begnaden sye ouch mit krafft dicz briues, also das sie nyemandis furbasmer ewyclichen, wer er sey vnd in welchen eren vnd wirden er ouch sey, dy egenanten burger myteynander oder besunder furtreiben vordem ansprechen beclagen bekumbern vrteylen oder achten sulle noch muge vor vnserr kuniglich hofgericht oder an den lantgerichten zu Rotwyle⁴ oder an keinen andern lantgerichten oder gerichten, wo dy ligen gelegen vnd wy dy genant sein, besunder wer den egenanten burgern allen ir eynem oder mer, es sey man oder weip, zusprechen zuclagen oder vordrunge hat oder gewynnet, der sol das tun vor dem richter oder dem rat doselbist vnd recht von ym nemen vnd nirgent anderswo, es were denne, das dem cleger oder clegerinne kuntlichen vnd offenlichen recht versagt wurde von dem egenanten richter vnd rate in derselben stat ze Rapperswil. Ouch wollen wir von besundern gnaden, das dieselben burger mugen offen echter husen vnd hofen vnd alle gemeynschafft myt yn haben, also wer, das iemant derselben echter eynen oder mer vil oder wenyg in irer stat ze Rapperswil anfeilet, dem sal man eyn vnuertzogen recht tun nach der stat gewonheit, vnd als offte sy in die egenant stat komen vnd wider daraus, das sie nymant ansprichet mit dem rechten, das sol den vorgenanten burgern kein schaden bringen von der gemeynschafft wegen, vnd gebieten darumb allen fursten geistlichen vnd wertlichen grauen freyn herren dinstlwten rittern knechten steten gemeynden dem lantrichter zu Rotwil vnd allen andern lantrichtern vnd richtern vnd den, dy an den lantgerichten vnd gerichten zu dem rechten siezen vnd vrteil sprechen, dy ieezunt seyn oder in kunfftigen zeiten werden, vnsern vnd des heiligen reichs liben getruwen ernstlichen vnd vestielichen bey vnsern vnd des reichs hulden, das sie furbasmer ewielichen keynen der egenanten burger eynen oder mer man oder weip nicht für das egenant lantgerichte oder ander gerichte eyschen laden vordem furtreiben oder kein vrteil vbir ir leip oder ubir ir gut sprechen oder in dy acht tun sullen noch mugen in dheineweg, vnd wo das geschee wider dise obgenant vnserr gnade vnd freyheit, die in disem vnserm briff seyn, so nemen vnd tun wir abe mit rechter wissen vnd kuniglicher mechte volkomenheit allir schulde ladunge eyschunge vordrunge anspräche vrteil vnd dy achte vnd entscheiden lewtern eieren vnd sprechen, das sy myteynander vnd besunder alle vnkrefftig vnd vntuglich seyn sullen vnd tun sy abe vnd auch vernichten sy genczlichen vnd gar an allen iren begreiffungen meynungen vnd puneten, wy dy darkomen geben gesprochen oder gevrteilt werden oder wurden, vnd ob iemant, wer der were, der also wider dise obgenante vnser gnade vnd freyheit freuelichen tete, der vnd dy sullen in vnsere vnd des heiligen reichs vngenade vnd darezu eyner rechten pen funfczig pfunt lotiges goldes veruallen seyn, als offte der do wider tut, dy halb in vnser vnd des reichs camer vnd das ander halb teyl den obgenanten burgern ze Rapperswil, dy also ubirfaren werden, genczlichen vnd an allis mynnernisse sullen genauen. Mit vrkund dicz brieffs versigelt mit vnser kuniglichen maiestat insigel. Der geben ist zu Prag nach Crists geburt dreyczenhundert jar vnd darnach in dem newenvndsibenczigstem jare, an sand Gallen tag, vnserr reiche des Beheimschen in dem sibenezendem vnd des Romischen in dem vyrden jare.

Source Fulltext: Chartularium Sangallense IX, Nr. 5746, S. 415-416.