Allen^a) den, die disen brief an sehent oder ho^erent lesen, tůn ich Albreht von Lindenberg¹ kunt vnd vergih des offenlich mit disem brief fúr mich vnd fúr alle || min erben vnd nahkomen, daz ich durch minen nutz vnd notdurft von der ersamen miner sunder lieben vnd getruwen Ma^ehthilten Cu^enis Kolbrunners || sailigen von Mutwille² elicher frowen vnd von Johansen irem svn enpfangen vnd in genomen han zwaintzig pfunt vnd siben pfunt pfenning gůter || Costentzer múns, dero ich aller gar vnd gentzlich von in bin gewert vnd bezalt an den stetten, da ichs in minen redlichen schinbaren offenn gůten nutz geben vnd bekeret han. Vnd vmb die selben pfenning han ich inen beden gemainlich vnd vnuerschaidenlich mit wolbedahtem můt reht vnd redlich ze koffenn geben ains rehten besta^eten redlichen vngeuarlichen vnd vnwiderru^eflichen kofs zway malter vesan vnd zwai malter habern alles gůtes vnd gena^emes Zeller³ messes alles ja^erliches sta^etes vsga^entes geltes vnd zinses fúr lehen von mir vnd han si och des selben korn geltz fúr mich vnd fúr alle min erben vnd nahkomen bewîst vnd versorget vff minen hof ze Mûtwille mit allen rehten nútzzen zinsen vnd mit aller zůgeho^erd mit solicher beschaidenhait gedingde vnd in dem rehten, daz ich vnd min erben vnd alle die, in der hand vnd gewalt der selb hof jemer kumt buwent niessent vnd inne hant, der vorbenempten Ma^ehthilten Kolbrunnerinen vnd Johansen irem svn vnd ir erben die vorgeschriben vier malter korns vnd och des obgedahten messes ân alle minrung vnd och ân allen abganch ietz ze dem na^ehsten sant Martis tag, der nv kumt nach dem tag, alz dirre brief geben ist, vnd dannenhin aller ja^erlichs ie ze sant Martis tag vorus vnd vorab vor allen nútzzen vnd zinsen vnd och vor aller mainglichem ab vnd vsser dem vorgenanten minem hof ze Mutwille mit allen rehten vnd vsser aller zůgeho^erung des selben hofs verrichteklich vnd och vnuerzogenlich geben weran vnd si des vsrichten sont ân alle wider rede. Vnd bescha^eh, daz ich oder min erben vnd nahkômen des dehaines jares sv^mig wa^erint, daz wir si des selben kornes niht gar vnd gentzlich wertint vnd vsrichtint von dem vorgenanten hof ie ze sant Martis tag, daz dann die selb Ma^ehthilt Kolbrunnerin vnd Johans ir svn vnd ir erben vnd ir helfer, wer die sint, vollen vnd gantzen gewalt hant vnd haben sont, vmb daz selb korn mich vnd min erben vnd nahkomen vnd och alle die, in der hand der selb hof iemer kumt buwent niessent vnd inne hant, ze no^eten vnd ze pfendenn, alz gewo^vnlich vnd reht ist des landez ze tu^end vmb zins, ân alle geuerd. Vnd sont si noch ir helfer daran gen niemannen nihtz fra^eueln noch kain vnreht tůn in dekain wis vngeuerlich. Vnd won och ich den selben koffe also vngeuarlich mit gůtem willen vnbetwungenlich gen in getan vnd volfu^ert han, so han ich mit gůter wissentlicher vorbetrâhtung vnd mit wolbedahtem sinn vnd můt die vorgeschriben vier malter kornes vnd och des obgeschriben messes alles ja^erliches vnd sta^etes vsga^entes geltes vnd zinses ab vnd vsser dem vorgenanten hof mit aller zůgeho^erd verlihen der vorbenemten Ma^ehthilten Kolbrunnerinen vnd Johansen irem svn vnd lihe och redlich vnd reht mit vrkúnd dis briefs beden gemainlich vnd vnuerschaidenlich ze rehtem lehen vnd ze ainer rehten gemainschaft vnd in rehter gemainschaft wise inen getru^eweklich vnd fridlich ân alle sv^mnus vnd irrung aller ja^erlichs von dem vorgenanten hof vnd darab ze habenn ze niessenn vnd in ze nement in allen dem rehten dingen vnd gedingden, alz vorgeschriben stat, ân alle geuerd, vnd och also, daz die vorgenant Ma^ehthilt von besundern gnaden, so ich ir darúber getan vnd verlihen han, daz vorgeschriben korn gelt vnd och daz lehen in lehens wise haben niessen vnd in nemen sol vnd mag in gelicher wise vnd in allen dem rehten, alz ob si ain man oder ain knâb wa^eri, vngeuerlich. Ich sol vnd geloben och mit disem brief fúr mich vnd fúr alle min erben vnd nahkomen, die ich vesteklich herzů binde an disem brief, der vorgenanten Ma^ehthilten Kolbrunnerinen vnd Johanses ir sunes vnd ir erben des vorgeschriben korn geltz ab vnd vsser dem vorgenanten hof alles ja^erlichs vnd sta^etes geltes vnd zinses vnd och des redlichen kofs vnd och darzů der lehenschaft reht wern ze sinne nach reht gen mainglichem vff gaistlichem vnd vff weltlichem gericht, wenn wa vnd wie dik si des bedurfent vnd notdúrftig sint, ân alle geuerd. Vnd ist dis allez redlich vnd reht beschehen volfu^ert vnd volbraht mit allen worten werken geba^erden vnd geta^eten, so darzů gehortent vnd geho^eren mohtent von gewonhait vnd von rehte vnd alz es kraft vnd maht sol vnd mag han nv vnd hernach. Vnd dez vnd hierúber ze ainer besta^eten warhait aller vorgeschribener ding vnd gedingde han ich Albreht von Lindenberg da vorgenant min insigel fúr mich vnd fúr alle min erben vnd nahkomen offenlich gehenkt an disen brief. Der geben ist ze Goldenberg⁴ vff miner burg an dem na^ehsten mentag vor v´nser vrowen tag ze der liehtmis, do man zalt von gottes gebúrt drúzehenhundert jar, darnach in dem ahtzigosten jar.

Source Fulltext: Chartularium Sangallense IX, Nr. 5767, S. 436-438.