Wir^a) die burgermaister ra^ete vnd alle burger gemainlich der nachbenempten dez hailigen Ro^emischen || richs stette Auspurg¹, Vlm, Kostentz, Eszlingen², Rutlingen³, Rotwil⁴, Wile⁵, V´berlingen⁶, Memmingen⁷, Bibrach⁸, || Ravenspurg⁹, Lindo^vwe¹⁰, sant Gallen, Pfullendorff¹¹, Kemptvn¹², Koufbúrren¹³, Livtkirch¹⁴, Ysni¹⁵, Wangen¹⁶, Bůchorn¹⁷, || Gemúnde¹⁸, Halle¹⁹, Hailprunnen²⁰, Winpfen²¹, Winsperg²², No^erdlingen²³, Dinkelspúhel²⁴, Rotenburg vff der Tuber²⁵, Giengen²⁶, Bopfingen²⁷, Avlon²⁸, Wile in Turgo^ew²⁹ vnd Bůcho^ewe³⁰ bekennen vnd veriehen offenlich mit disem brieffe vnd tůen kunt allen den, die in ansehent oder ho^erent lesen, alz wir mit gemainem ra^vt vnd mit gůten fúrsa^etzen die fúrsichtigen wisen die ra^ete vnd alle burger gemainlich der stat ze Regenspurg dem hailigen rich ze eren vns vnd gemainem lande ze fride vnd ze gemache zů v´ns in vnsern bvnd ingenomen vnd enpfangen haben vnd den ouch sy gesworn ha^vnt ainfa^elteclich, mit v´ns ze halten nach dez bundbrieffz lute vnd sag, den wir dar vmb ain ander besigelt vnd gegeben haben, darvmbe so haben wir ietzo den selben reten vnd burgern gemainlich der vorgenanten stat Regenspurg mit gůtem willen gelopt versprochen vnd verhaiszen vnd versprechen ouch ietzo mit krafft ditz brieffs vff die aide, die wir dem vorgenanten v´nserm bunde gesworn haben, daz wir si vnd die iren getruweclich schirmen vnd ouch in bera^vten vnd beholffen súllen sin na^vch dez vorgenanten vnsers verbundbrieffs sage ze gelicher wise vnd in allem dem rechten, alz wir dez ain ander verbunden sien vnd ze samen gesworn haben vnd alz ob si mit na^emlichen worten bi v´ns in dem vorgenanten bund brieff begriffen vnd geschriben wa^eren oder den mit vns angefangen hetten, a^vne alle geverde. Mit vrkund ditz brieffs, den wir in dar v´ber besigelten geben mit der vorgenanten zwaier stette Auspurg vnd Vlm angehenkten insigeln, die daz von v´nser aller haissentz wegen geta^vn hant. Der geben ist dez nechsten mentags vor v´nser frowen tag, alz siv geborn wart, do man zalt von Cristz geburt drivzehen hundert ja^vr vnd darnach in dem ains vnd achtzigostem ja^vre.

Source Fulltext: Chartularium Sangallense IX, Nr. 5865, S. 529-530.