Hainricus divina permissione abbas monasterii sancte Marie in Rúti¹ ordinis Premonstratensis Const(anciensis) diocesis iudex et subconservator a venerabili viro domino abbate monasterii loci Heremitarum² ordinis sancti Benedicti dicte diocesis iudicis et conservatoris^a) iurium et privilegiorum honorabilium et religiosorum in Christo dominorum abbatis et conventus monasterii sancti Galli ordinis sancti Benedicti pretacte diocesis una cum certis suis in hac parte collegis cum illa clausula: Quatinus vos vel duo aut unus vestrum per vos vel alium seu alios a sede apostolica delegato subdelegatus universis et singulis decanis camerariis rectoribus plebanis seu viceplebanis curatis et non curatis altaristis seu cappellanis clericis et notariis publicis per civitates et dioceses Const(anciensem), August(ensem)³ et Basilien(sem) ubilibet constitutis, ad quos presentes pervenerint, salutem et sinceram in domino caritatem et mandatis nostris ymo verius apostolicis firmiter obedire. Vobis et cuilibet vestrum virtute et vigore litterarum apostolicarum nobis in hac parte directarum seu commissarum in virtute sancte obedientie et sub excommunicationis pena canonica, monicione trium dierum premissa, firmiter et districte precipiendo mandamus, quatinus, prout requisiti fueritis, alteraltero in executione presentium minime expectato, omnes et singulos utriusque sexus vobis per latorem presentium nominandos aut in scriptis dandos seu personam aut personas illam seu illas utriusque sexus, quam aut quas vobis aut cuilibet vestrum lator presentium nominabit aut in scriptis dabit, citetis peremptorie ad certum aut certos terminos, quem et quos idem lator vobis nominabit aut in scriptis dabit, quem quos quam et quas et nos ut sic^b) citamus, ut coram nobis in ambitu monasterii abbatie Thur(icensis)⁴ termino seu terminis in predictis sufficienter compareant, querelis sive questionibus venerabilium abbatis et conventus monasterii sancti Galli predicti aut suorum in hac parte procuratorum finaliter responsuri, nomina vero citatorum aut terminorum predictorum nobis per latorem presentium vestris litteris et sub sigillis vestris, prout fueritis requisiti, sub penis predictis nobis rescribere curetis. Datum Thuregi nostro sub sigillo pendenti, quo utimur ad causas, anno domini M°CCC°LXXXI^mo, XIIII kl. iulii, ind. quarta, presentibus abhinc ad byennium dumtaxat et non amplius minime valituris. Datum ut supra.

Source Fulltext: Chartularium Sangallense IX, Nr. 5851, S. 510-511.