Ich Rv^odolf von Eschingin¹ kivnde allen den, die disen geginwrtigen brief II lesent alt horent lesen, das ich vnd^a) Engildrvt min wirtinne daz gv^ot ze || Mvlibach² die Hv^obe³, das wir ko^vften vmbe Volkarten vnd vmbe Hainzillin Hvrsten, daz vns vnze her vergolten hat ahte malter kornis vnd ahte Schillinge pfenninge, ze ko^vfen gegeben haben deme spital ze sante Gallen⁴ in allem deme rehte, alse wir in genossen haben vnze her, vnd daz wir des selben gv^o/tis dem spital getrûwe tra^egerre sollen sin, vnd swenne der vorgenante spital wil vnd vns manot, daz wir daz vorgesriben gv^ot vf geben^b), daz sollen wir^c) minem herren dem abpte⁵ vf geben an sine hant an alle wider rede, vnd sol ich vnd min wirtinne dem spital vmbe daz vorgenante gv^ot wem sin von vnsirn kinden vnd von aller ma^enlich, alse rehte ist. Daz dis allis State vnd ganz belibe, so henke ich Rv^odolf von Esching(in) min ingesigil an disen geginwrtigen brief ze ainem statin vrkvnde. Dis geschach ze sante Gallen, do von vnsirs herren gebvrtlichen tag hin waren tvsint iâr, driv hvndirt iar vnd ain jar.

Source Fulltext: Chartularium Sangallense V, Nr. 2549, S. 46-47.