Bonifacius episcopus servus servorum dei dilecto filio .. abbati monasterii in Stain¹ Constantiensis dyocesis salutem et apostolicam benedictionem. Significarunt nobis dilecti filii .. abbas et conventus monasterii de sancto Gallo ordinis sancti Benedicti Constantiensis dyocesis, quod nonnulli iniquitatis filii, quos prorsus ignorant, decimas, redditus, census, legata, terras, prata, vineas, nemora, domos, possessiones, privilegia, instrumenta publica et quedam alia bona ad ipsum monasterium spectantia temere ac maliciose occultare et occulte detinere presumunt, non curantes ea dictis .. abbati et conventui exhibere, in animarum suarum periculum et ipsorum .. abbatis et conventus ac monasterii non modicum detrimentum, super quo idem .. abbas et conventus apostolice sedis remedium imploramnt. Quo circa discretioni tue per apostolica scripta mandamus, quatenus omnes huiusmodi detentores occultos decimarum, reddituum, censuum et aliorum ^a) bonorum predictorum ex parte nostri publice in ecclesiis coram populo per te vel per alium moneas, ut infra competentem terminum, quem eis prefixeris, ea predictis .. abbati et conventui a se debita resti-tuant et revelent^b) ac de ipsa^c) plenam ac debitam satisfactionem eis inpendant, et si id non observaverint, infra alium terminum competentem, quem eis ad hoc peremptorie duxeris prefigendum, extunc in eos generalem excommunicationis sententiam proferas et eam facies, ubi et quando expedire videris, usque ad satisfactionem condignam sollempniter publicari. Dat. Lateren.^c) IIII. non. aprilis, pontificatus nostri anno VIII.

Source Fulltext: Chartularium Sangallense V, Nr. 2558, S. 53-54.