Allen den, die disen brief ansehent oder ho^erent lesen, kvnde ich grave Friderich von Toggenburg¹, II das die erberen burger von Friburg in Brisgo^ewe² mich gewert hant gar vnd^a) ganzlich alles des || gůtes, so sv mir ie schuldig wurden von irs herren wegen graven Egen von Friburg³ von zinsen⁴ || oder von anderme gv^ote, vnzint an viere vnd zwenzig vnd hvndert marke silbers, die sint sv mir noch schuldig. Der svln sv mir geben ze der liehtmes, so nv nehste kvmet, sibenzig marke vnd von dannan vber ein jar die andern viere vnd fvnfzig marke lo^etiges silbers Friburger geweges. Har vber ze einem waren vrkvnde gibe ich inen disen brief mit minem vnd mit mines capelans hern Hvnins⁵, der o^vch das gůt von inen empfieng, ingesigeln besigelt. Dirre brief wart gegeben ze Friburg in Brisgo^ewe in dem jare, do man zalte von gottes gebvrte drvzehen hvndert jar vnd zwei jar, an sante Johannes abvnt ze svnegihten.

Source Fulltext: Chartularium Sangallense V, Nr. 2566, S. 59.