Wir grave Rvdolf von Habspûrg¹ herre ze Raprethswile² vnd^a) wir Elizabet grevinne von Raprethswile³ kv^enden vnd vurgehen allen || den, die disen brief sehent oder horent lesen nv oder har nach, daz wir dien erberen herren brv^eder^b) Hv^ege von Werdenberg commen||dur des hvses ze Bv^ebinkon⁴ vnd dem convent des selben ^c) go^vts hv^esez vûr den schaden, der inen ze Raprethswile in der stat von vnlseren wegen beschach, vnsern ho^vf ze Richkenbach⁵ hein gegeben rehte vnd redelich, lidig vnd lêre ze rehtem eigene mit Johanses vnserz svnz⁶ hant mit allem dem rehte vnd nvzze, so wir vnd vnser vordem in da vor gehebt vnd genozzen han, vnd hein vns enzigen vriliche vnd eingenlich aller der rehtv^enge vnd aller der eigenschaft, so wir alde vnser vordem an dem selben hove ie gewnnen aide dehein vnser nachkome iemer gewinnen mohten mit deheinen dingen, vnd vûrzihen vns o^vch an disem gegenwrtigen briefe aller der rehte geschribern vnd vngeschribenre geislicher vnd weltlicher, da von die vorgnanden herren vnd daz vorgnande^d) gottes hv^es beswert mohte werden an der selbvn gift. Vnd daz diz alles war si vnd stete belibe vnd daz die vorgnanden herren noch daz vorgnande gottes hvs enhein vnser nach kome noch nieman anderer vmbe den vorgnanden ho^vf niemer bekvnbern noch beswer mvge mit enheinen dingen, so geben wir inen disen gegenwrtigen brief besigelt offenlich mit vnser beider ingesigel ze einer ganzv^en stetvn Sicherheit alles des hie vor geschriben stat. Diz beschach ze Raprethswile vffen der bûrg, da zegegen waren der Wize tv^enherre von Zvrich⁷, der von Mazzingen⁸ kilcherre von Gozzowa⁹, her Hvni¹⁰ der lv^eprester von Tv^onrtovn¹¹, her Rvdege von Werdeggê¹² ritter, Heinrich der Amman schvltheize ze Raprethswile¹³, Berhtolt der amman von Grv^eningen¹⁴, Albreht der Rv^etiner, Heinrich ab dem Turne, Cv^onrat von Reitnowa¹⁵, Niclaus der Heiden vnd ander erber lvte genv^ege, an dem nehsten mentage nach vnserre vrow^en tag ze mittem o^vgesten, do von gottes gebûrte waren druzehen hvendert iar, dar nach in dem fvnften iare.

Source Fulltext: Chartularium Sangallense V, Nr. 2631, S. 100.