Omnibus Christi fidelibus Hainricus dei gratia abbas¹ totusque conventus monasterii sancti Galli salutem in domino et notiam^a) subscriptorum. Ut quod rite agitur a memoria hominum non || labatur, expedit rem gestam scripturarum et testium robore perhennari. Noverint igitur universi, quos nosse fuerit oportunum, quod nos habito consilio et tractatu sufficienti de alienandis aliquibus || possessionibus monasterii nostri propter inmensa onera debitorum, a quibus excuti non poteramus preter alienatio-nem aliquarum rerum, castrum nostrum in Bernnang² cum omnibus pertinentiis suis || videlicet agris, pratis, vineis, pascuis, nemoribus, viis et inviis et aqueductibus et universis appenditiis, quemadmodum in nos et monasterium nostrum translatum fuit recte emptionis contractu a .. relicta quondam dicti Behem³ et liberis eius, eo modo et iure, quod vulgaliter^b) burglehen nuncupatur, tytulo venditionis transtulimus, dedimus et tradidimus strennuo viro domino Egelolfo seniori militi de Rosinberg⁴ ministeriali nostri monasterii pro centum marcis argenti ponderis Const(antiensis), quas confitemur nos recepisse et in utilitatem nostri monasterii fore conversas, adiectis de consensu dicti militis conditionibus infra scriptis, videlicet quod si dictum militem contingat decedere sine liberis, dictum castrum cum suis pertinentiis supradictis libere revolvi debet ad usus et proprietatem nostri monasterii, si vero eo mortuo con-tigerit eundem relinquere filiam vel filias, que vel aliqua ex eis fuerint maritate sub conditione dicti monasterii, in dicto castro et eius attinentiis succedere debet modo predicto, ita tamen, si aliqua illarum maritata fuerit vel venerit extra conditionem nostri monasterii, nullum ius succedendi habeat in predictis. Et ne dicte venditionis contractus a nobis vel a nostris successoribus in posterum in aliqua parte sui valeat infirmari, renuntiamus exceptionibus doli mali, non numerate pecunie, non tradite, non solute, deceptionis^c) ultra dimidium iusti precii, beneficio restitutionis in integrum principaliter vel incidenter postulando, litteris a sede apostolica vel aliunde impetratis seu impetrandis, omnibus constitutionibus editis vel edendis et generaliter omni iuri suffragio^d) legum vel canonum, quo mediante contra premissa venire possemus vel ipsorum aliquid posset quomodolibet violari. In cuius rei testimonium sigilla nostra presentibus duximus apponenda. Ego Egelolfus miles predictus confiteor omnia et singula premissa fore vera et in eorundem evidentiam sigillum meum applicui. Datum et actum apud sanctum Gallum, anno domini M°.CCC°.V°. XII°. kl. septembr. presentibus magistro Johanne Phefferhardi^b) can(onico) ecclesie Curiensis⁵, domino Hugone de Landinberg⁶, V^olrico dicto Meldelin⁷, Hainrico dicto Omin⁸, Hainrico dicto Villico, Gerwico Pauro⁹, Volrico ministro¹⁰, magistro V^olrico cyrurico¹¹, V^olrico Hospite, Hainrico dicto Blarrer, Alberto dicto Blarrer, Hugone et Chůnrado dictis Vo^elin, Cristano dicto Vo^elin et aliis quam pluribus fide dignis.

Source Fulltext: Chartularium Sangallense V, Nr. 2632, S. 101-102.