Omnibus presentem litteram inspecturis Fridericus et Swigerus dicti Tumben¹ fratres milites dyocesis Curiensis subscriptorum noticiam cum salute. Ut renunciaciones actionum et inpeticionum || facte spontanea voluntate cum stabilitate inviolabili irrevocabiliter perseverent, scripturarum indiciis perpetue debent memorie commendari. Ad universorum itaque et singulorum harum litterarum serie desideramus noticiam || pervenire, quod cum nos ius nobis competere asseruerimus in bonis ac possessionibus necnon hominibus in eisdem possessionibus residentibus ipsisque pertinentibus dictis Bregenstorf², item in bonis ac possessionibus dictis zem Botzelaer II sitis apud Blâttun³ in dyocesi Constanciensi et in iuribus ac pertinenciis eorundem bonorum, que honorabilibus in Christo .. divina permissione abbati et conventui monasterii de Salem⁴ dicte Constanciensis dyocesis dinoscuntur iure directi do-minii vel utilis pertinere et in quorum possessione bona fide et iusto titulo sunt et hactenus extiterunt, ipsosque .. abbatem et conventum super bonis, possessionibus et hominibus predictis inpetiverimus et molestaverimus cultoribus et hominibus earundem possessionum, boves eorum auferendo propria auctoritate. Nos tandem ad cor reversi et volentes errorem nostrum corrigere in premissis, constituti in iure coram honorabilibus viris magistro Walthero scolastico⁵ et Cv^onrado preposito sancti Johannis⁶ necnon canonicis maioris ecclesie Constanciensis gerentibus vices honor(abilis) .. capituli Constanciensis sede vacante necnon .. officiali curie Constanciensis sponte et voluntarie per manus nostras renunciavimus omni iuri, actioni, inpeticioni, peticioni et prosecucioni, que nobis vel heredibus nostris ex quacumque causa competierunt vel competere poterunt aut possent quomodolibet in futurum in bonis, possessionibus et hominibus supradictis ipsorumque pertinenciis quibuscumque coniunctim vel divisim, in iure vel extra ius, de iure vel de facto, ad manus viri religiosi fratris Jacobi subcellerarii monasterii predicti recipientis eandem renunciacionem nomine et vice dictorum .. abbatis et conventus et monasterii de Salem, et promisimus ad manus predicti fratris Jacobi fide data nomine iuramenti pro nobis nostrisque heredibus et successoribus quibuscumque, quod eosdem .. abbatem et conventum ipsorumque monasterium aut successores eorundem, quicumque pro tempore fuerint, in bonis, possessionibus et hominibus supradictis eis pertinentibus vel in eisdem residentibus aut colentibus eadem ipsarumve pertinenciis quibuscumque vel in vendicione, donacione aut alienacione possessionum, bonorum et hominum eorundem eorumve, que ipsis pertinent, quovis iure numquam molestabimus, perturbabimus, inquietabimus aut vexabimus de iure vel de facto, extra iudicium vel in iure, vel etiam quomodolibet inpediemus aut aliquatenus inpetemus, adhibita per nos in eadem renunciacione, ad cuius ratihabicionem inperpetuum habendam nos astringimus et astrinximus fide prestita in manus dicti fratris Jacobi nomine iuramenti pro nobis nostrisque heredibus et successoribus quibuscumque, sexus etiam utriusque, sollempnitate debita et consweta. Ceterum^a) predicti .. abbas et conventus nostris indigenciis subvenientes suamque vexacionem per nos eis in premissis irrogatam indebite redimentes nobis sexaginta marcas argenti puri et legalis Constanciensis ponderis mutuarunt, quam pecuniam nos ab eis ex causa mutui recepisse et in utilitatem nostram evidentem videlicet exoneracionem debitorum nostrorum, quibus in obstagiis et usuris dampna gravia accreverunt, fore conversam scriptis presentibus in iure coram premissis gerentibus vices capituli Constanciensis et .. officiali curie Constanciensis recognoscimus et confitemur, ad cuius pecunie solucionem nos eisdem faciendam nostrosque heredes astringimus terminis infrascriptis, et ut uberiori in solucione eiusdem gaudeant securitate, ad nostri peticionem instantem V^olricus et Marquardus fratres seniores, .. dictus To^elintzer, Johannes frater suus, Egelolfus et Marquardus fratres de Schellenberg⁷ milites se constituerunt principales debitores apud predictos .. abbatem et conventum cum debita sollempnitate pro solucione pecunie premisse facienda terminis subnotatis, ita videlicet quod decem marce argenti in festo beati Andree proximo venturo et abinde decem marce argenti infra anni spacium et decem marce argenti similiter infra sequentis anni spacium decemque marce argenti infra anni spacium iterum^b) subsequentis ac decem marce argenti infra anni spacium proximi subsequentis et decem marce argenti residue infra anni spacium similiter proximo subsequentis puri et legalis ponderis Constanciensis apud Constanciam vel Vberlingen⁸ et nichilominus dicto ultimo termino solucionis ibidem novem libras denariorum monete Constanciensis in reconpensam dampnorum per nos dictis .. abbati et conventui in memoratis possessionibus illatorum et predis animalium ablatorum exsolvantur a nobis nostrisque heredibus seu successoribus quibuscumque sine cuiusvis obice contradictionis. Obligamus insuper nos et astringimus predictis .. abbati et conventui bona fide, quod si curia dicta zem Bongarten prope Blattun valens in annuis redditibus libram unam denariorum et sex solidos Constanciensis monete, quam a nobis dicti . . abbas et conventus emerunt pro certa pecunie quantitate, quam inpetunt Cv^onr. et V^olricus de Ramswag⁹ milites ac fratres eorundem, evincetur a dictis abbate et conventu in iudicio vel extra ius, usque ad terminum, ubi dicti de Ramswag de iure suo docere voluerint, vocati non venerimus nec defenderimus eosdem .. abbatem et conventum subeundo ipsorum nomine defensionem, evieta fuerit ab ipsis .. abbate et conventu vel a nobis, si defensionem subierimus pro eadem reconpensam dictis .. abbati et conventui in possessionibus equivalentibus quo ad redditus et alias condiciones apud Bernang¹⁰, Kobelon¹¹ vel Gêtzis¹² sitis facere tenemur vel saltem infra anni spacium a tempore huiusmodi evictionis computando restituere tenemur eis seu reddere peeuniam in quantitate ea, pro qua ipsis vendidimus curiam prenotatam. Et pro observacione inmobili omnium et singulorum premissorum dicti de Schellenberg milites fide data nomine iuramenti se obligaverunt dictis .. abbati et conventui tamquam principales debitores cum consweta et solita sollempnitate. Nosque nichilominus .. abbati et conventui pro observacione inmobili singulorum et omnium premissorum hos constituimus obsides seu fideiussores, videlicet Rv^od. ministrum civitatis in Veldkilch¹³, Hainr. de Rankwil¹⁴, Hainr. dictum Ortolf, Johannem de Vu^ôsach¹⁵, dictum Klainv^elin et Jacobum quondam ministrum de Bregancia^c)16, qui fide prestita nomine iuramenti ad manus predicti fratris Jacobi promiserunt se servaturos obstagium in oppido Veldkilch more obsidum, si nos vel nostri heredes in solucione pecunie prelibate aliquo terminorum premissorum negligentes fuerimus aut remissi vel si contra premissa vel ipsorum quodeumque venerimus, ad quorum observacionem nos nostrosque heredes inviolabiliter astrinximus, prout est premissum. Et si aliquem predictorum obsidum vel fideiussorum tempore servandi obstagii in alio morari contigeret obstagio, ille debet alium in locum suum quo ad observacionem obstagii subrogare. Si etiam aliquem eorundem obsidum seu fideiussorum medio tempore cedere vel decedere contigeret, extunc nos debemus alium in locum cedentis vel decedentis, quandocumque moniti fuerimus, eque ydoneum subrogare, alioquin duo ex fideiussoribus predictis, quos elegerit procurator dictorum .. abbatis et conventus, moniti se debent in loco premisso in obstagium presentare, quousque id perductum fuerit ad effectum. Nos etiam quo ad omnes articulos supradictos per nos et nostros heredes inviolabiliter observandos submittimus nos sponte et voluntarie iurisdictioni ecclesie et .. officialis curie Constanciensis, ita quod contra nos et heredes nostros per episcopum Constanciensem, qui pro tempore fuerit, vel .. officialem curie Constanciensis aut gerentes vices capituli Constanciensis sede vacante procedi possit ecclesiasticam per censuram, si in solucione pecunie predicte aliquo terminorum premissorum negligentes fuerimus aut si contra premissa vel quodcumque premissorum quicquam fecerimus contra eadem vel ipsorum aliquod veniendo aut ipsa vel ipsorum aliquod violando. Et in evidenciam premissorum ipsorumque incommutabilem et irrefragabilem firmitatem presens instrumentum memoratis .. abbati et conventui tradidimus sigillorum nobilis viri Hugonis comitis de Monte Forti¹⁷, gerencium vices capituli et .. officialis curie Constanciensis, de Schellenberg militum predictorum nostrorumque robore communitum. Nos itaque Hûgo comes de Monte Forti in testimonium obligacionis facte fideiussorio nomine per cives nostros in Veldkilch predictos de nostra licencia et consensu presentibus appendimus sigillum nostrum. Nos etiam V^olr., Marquardus et ceteri de Schellenberg predicti in evidenciam obligacionis per nos facte tamquam per principales debitores vallate fidei per nos prestite nomine iuramenti super omnibus et singulis articulis supradictis, prout de verbo ad verbum superius est expressum, presentibus appendimus sigilla nostra. Nos etiam gerentes vices capituli Constanciensis necnon .. officialis curie Constanciensis predicti, recognoscentes omnia et singula predicta coram nobis in iure rite et rationabiliter fore peracta ipsaque approbantes et ratificantes harum testimonio litterarum, hiis scriptis sigilla nostra appendi fecimus ad firmitatem inviolabilem omnium et singulorum eorundem ad peticionem instantem .. de Schellenberg et .. dictorum Tumben militum predictorum. Actum^d) apud Rauenspurg¹⁸, anno domini M°CCC°VII°. XVI. kl. maii, indict. V^a. presentibus testibus subscriptis videlicet strennuis viris Hainr. de Sigberg¹⁹,||
Hainr. de Trisun et V^olrico²⁰ filio suo militibus, R. dicto Behain²¹, Wilhelmo de Nivnburg²², V^olr. dicto Litscher, Hainr. et Walthero fratribus dictis A^ettti, Rv^od. dicto Bok, .. dicto Brennaeret aliis fidedignis. Datum vero et consummatum Constancie anno domini supradicto in die Phylippi et Jacobi apostolorum, presentibus testibus subscriptis domino V^olr. de Berge canonico sancti Johannis in Constancia²³, magistro Hainr. de sancto Gallo advocato curie Constanciensis²⁴, Jacobo dicto Spv^ol, C. et H. in der Bivnde, dicto Baestian, Alber. cellerario, Jacobo subcellerario, fratre R. Waltkilchario fratribus in Salem et aliis fidedignis.

Source Fulltext: Chartularium Sangallense V, Nr. 2676, S. 128-131.