H. dei gratia abbas monasterii sancti Galli¹ omnibus presentium inspectoribus salutem cum noticia subscriptorum. Noverint igitur || universi, quos nosce fuerit oportunum, quod nos officio portenarii in nostro monasterio redditus duarum librarum et II quinque solidorum in beneficiis claustralibus, quandocumque se obtulerit facultas, refundere tenemur, in recompensam || videlicet duarum librarum, quas Egl. de Rosinberg² miles^b) recipit de curia in Bernanc³, que predicto officio portenarii est annexa, et in recompensam quinque solidorum, qui dabantur singulis annis hactenus eidem officio de molendino sito sub rupibus dicto an dem Werde⁴, quod de cetera fieri non debet. Et ne prelibatum officium in suis redditibus defectum penitus paciatur, nos prefatus H. abbas pro nobis nostrisque successoribus, qui pro tempore fuerint, donamus et presentibus donasse profitemur eidem officio redditus quindecim solidorum de molendino monasterii nostri dicto Vndir dem Steine⁵, cuius cultor V^olr. dictus Muslinger iam esse dinoscitur, singulis annis recipiendos, quousque per nos vel per nostros successores prelibato officio redditus duarum librarum et quinque solidorum, prout superius notatum est, refundentur. In cuius rei testimonium presentem litteram eidem officio tradimus nostri sigilli robore communitam. Dat. apud sanctum Gallum, anno domini M.CCC septimo, VIII. kl. maii, indic. V. presentibus hon(orabili) viro Hermanno de Landinberg⁶ rectore ecclesie in Berotswille⁷, Walt, capellano nostro⁸ rectore ecclesie in Heriso^vwe⁹, R. sculteto nostro in Wila¹⁰, C. ministro in Abbatiscella¹¹ et H. de Teiningen¹² aliisque fidedignis.

Source Fulltext: Chartularium Sangallense V, Nr. 2674, S. 127-128.