Ich her Heinrich von Scho^enenstein rittir vnd^b) gotshus dienstman zi sante Gallin kvnde || allen den, die disin brief sehint odir iemir horint lesin, das ich offinlich han gisworn || vor .. dem official zi Costinz vnd vor minim herrin von gottis gnadin abt Heinriche || von sante Gallin vnd vor dem conuente des seibin gotshus, das ich den brief, den ich hatte von mim herrin abt^c) Heinriche, der hieuor gischribin stat, vnd von dem conuente des gotshus zi sante Gallin vmbe du gu^etir, du mir stůndin von dem^d) gotshus fur zwei hundirt marche silbirs, das ich den ân giwerde han virlorn. Ich han o^vch in den seibin eit ginomin fur mich vnd für alle min erbin, das der selbe brief hinnanhin einheine craft sol han, vnd ist das, das ich odir min erbin den brief iemir vindin mugin, so son wir in dem gotshus widir gen bi dem seibin eide. Ich virgihe o^vch offinlich an disim briefe, das ich an den vorginandin zwein hundirt marchin bin giwert sehtzig marche. Ich virgihe o^vch, das ich minim herrin abt Heinrich vnd dem gotshus han briefe¹ gebin vndir des girihtis insigil zi Constinz zi einir giwarsami fur mich vnd für alle min erbin vbir sellu du ding, du hie gischribin sint. Ich der vorginande her Heinrich von Scho^eninstein virgihe allis des, das hie gischribin stat, vnd gib darubir dem gotshus zi sante Gallin zi einim staetin vrkunde für mich vnd fur^e) min erbin alle disin brief mit minim insigil bisigilt. Dise brief wart gebin zi sante Gallin, do man zalte von gottis giburte druzehin hundirt jare, darnah in dem ahtodin jare, an dem naehstin vrîtage nah sant Gregoriin tult.

Source Fulltext: Chartularium Sangallense V, Nr. 2700, S. 148-149.