.. Officialis curie Constanciensis [omnibus presen]cium^a) inspectoribus subscriptorum noticiam cum salute. Ut calumpniandi materia et error || gestorum circa decisiones licium et[...]m^b) preveniantur, expedit, ut litterarum indiciis ea, que aguntur, memorie comendentur. Noverint igitur || universi tam posteri quam presentes, quo[sno]sce^c) fuerit oportunum, quod cum inter honorabiles in Christo ... abbatissam et conventum monasterii || in Maknowe¹ Constanciensis dyocesis ex una et honorabilem virum dominum V^olr. de Ramswag canonicum ecclesie Constanciensis² rectorem ecclesie in Altnowe³ eiusdem dyocesis ex parte altera super vinea dicta Snittenriet, quam colit Wern. dictus Frige, sita prope Merspurg⁴ iuxta vineam dicti Marner orta esset materia questionis, tandem dicte partes videlicet .. abbatissa et conventus predicte nomine dicti sui monasterii necnon V^olr. prefatus nomine sue ecclesie prelibate realiter, ut sibi mutuo parcerent laboribus et expensis, auctoritate nostra per viros providos et discretos magistros Johannem dictum Pfefferhart sancti Stephani⁵ et Hainr. de sancto Gallo sancti Johannis⁶ ecclesiarum Constanciensium canonicos, Hainricum dictum Pfefferhart⁷ et Hainricum de Rutlingen⁸ advocatos curie Constanciensis tamquam arbitros arbitratores seu amicabiles conpositores per partes supradictas sponte et libere electos communiter et assumptos sub periculo cause et sub fide data nomine sacramenti partibus ab eisdem plena inquisicione de facti circumstanciis singulis et diligenti deliberacione prehabitis et premissis de scitu et consensu pleno libero et expresso parcium ipsarum sunt per formam infrascriptam super questione memorata concorditer et amicabiliter conplanati, quod idem dominus V^olr. rector ecclesie in Altnowe prelibate nomine suo et ecclesie illius iam dictis .. abbatisse et conventui prescriptam vineam et omne ius sibi ac ecclesie sue in Altnowe predicte competens in eadem donavit cessit et donando ac cedendo transtulit pleno iure in ipsas ac in earum monasterium supradictum. Predicte quoque .. abbatissa et conventus eidem domino V^olr. et ecclesie sue prelibate grata vicissitudine respondentes in reconpensam vinee sepedicte dederunt eidem domino V^olr. et ecclesie sue antedicte quindecim hbras denanorum Constanciensium in peccunia numerata conversa in evidentem et necessariam utilitatem suam sueque ecclesie sepefate, adhibitis in omnibus et singulis premissis verborum et gestuum sollempnitatibus debitis et consuetis. Renuncciaverunt eciam dicte partes sub virtute fidei date circa premissa et quelibet premissorum excepcioni deceptionis restitutionis in integrum non numerate peccunie non solute non converse omnibusque aliis excepcionibus defensionibus necnon omni actioni inpeticioni omnique auxilio iuris privati vel||
communis, quibus mediantibus hec littera vel contenta in ipsa possent anullari vel aliqualiter inpugnari. Quequidem arbitracio supradicta est a supradictis partibus recepta et laudabiliter conprobata et a nobis auctoritate ordinaria ratificata et sollempniter tamquam racionabilis et iuri consona confirmata. Et in evidenciam omnium et singulorum premissorum coram nobis in iure confessatorum presens instrumentum sigilli curie Constanciensis cum appensione sigillorum sepedictorum .. abbatisse et conventus ac V^olrici canonici ecclesie Constanciensis rectoris ecclesie in Altnowe predicte robore communimus. Nos vero .. abbatissa et conventus monasterii in Maknowe ac V^olr. canonicus et rector sepefati in testimonium omnium premissorum et incommutabilem firmitatem eorundem, que de consensu libero et expresso nostro quemadmodum prescripta sunt, recognoscimus fore facta, si[gilla]^d) nostra huic instrumento sigillato ad instantem peticionem nostram sigillo . . officialis curie Constanciensis predicti duximus appendenda. [Datum]^e) et actum Constancie, anno domini M°. CCC°. octavo, kl. iun. indc. VI^a.

Source Fulltext: Chartularium Sangallense V, Nr. 2703, S. 150-151.