Omnibus Christi fidelibus, ad quos presentes pervenerint, Anna divina permissione abbatissa totusque conventus monasterii in Veitpach¹ oraciones in domino cum || noticia subscriptorum. Ne gesta presencium ex cursu temporum oblivionem reeipiant, expedit ipsa scripturarum testimonio perennari. Noverint igitur tam posteri quam || presentes, quod Werenherus dictus Hvnt² ac Berhta eius uxor legittima nobis seu nostro monasterio in parata peceunia tradiderunt et donaverunt quadrallginta quatuor marcas puri et legalis argenti ponderis Constanciensis, quas nos unanimi consenu et traetatu ac deliberacione sufficienti prehabito nos reeepisse presentibus profitemur, ut dictam peceuniam in empeionem prediorum seu possessionum convertere debeamus, quarum redditus ad quatuor libras denariorum monete Constanciensis se extendant, quos redditus nos predictis personis, quamdiu vixerint, debemus et tenemur annis singulis integraliter et fideliter presentare, possessione vero dietarum possessionum apud nos seu apud nostrum monasterium cum institucione et destitucione colonum^a) omnimode^b) remanente, sed postquam dicte persone de hac vita migraverint, pereepeio dictorum fruetuum ad nos seu ad nostrum monasterium redire debet, ita tamen, ut per .. abbatissam nostri monasterii dicti fruetus pro salute animarum dietarum personarum distribuantur annis singulis ordine subnotato, ut una libra denariorum dicte monete in annunciacione beate Marie virginis, altera vero in festo undecim mille virginum per aliquem conversum nostri monasterii ad opidum saneti Galli transmittantur, qui conversus deduetis expensis eundo ad dictum locum, redeundo ibique moram faciendo moderate fecerit, residuam partem memorate peccunie in empcionem panis debet convertere et panes emptos convocatis pauperibus ipsis pauperibus erogare. Promisimus insuper personis antedictis, ut anniversaria dictarum personarum ad nostrum librum³ conscribi debeant et per nos more solito celebrari et quod pro salute dictarum personarum circa utriusque anniversarium in nostra ecclesia misse duodecim celebrentur, et ut hec a nostro conventu attencius peragantur, debet .. abbatissa nostri monasterii, que pro tempore fuerit, in die anniversarii utriusque persone ipsi conventui in piscibus et vino ad prebendam solitam decem solidos de dictis proventibus ministrare, quartam vero libram infra festum pasche et festum pentecostes in ovis, prout magis conventui expedire visum fuerit, ministrando, ut autem predicta sine preiudicio nostri monasterii valeant adimpleri, inter nos et personas predictas est condictum, ut si quantitas dictarum quatuor librarum ex proventibus emptarum possessionum grandine guerra sterilitate vel quovis alio casu haberi non possit, illud tamen, quod ex fructibus dictarum possessionum haberi valeat, proporcionaliter distribuatur iuxta modum superius annotatum. Et ut hec omnia a nobis nostrisque successoribus firma et rata permaneant, hanc penam in nos suscepimus, ut si in execucione predictorum vel aliquo ipsorum neglientes^b) fuerimus, quod .. abbatissa nostri monasterii, que pro tempore fuerit, ab honorabili domino .. officiali curie Constanciensis excommunicari debeat non monita nec citata nostrumque monasterium tamdiu supponi ecclesiastico interdicto, donec omnes proventus eo anno habiti ex possessionibus antedictis assignati fuerint hospitali opidi saneti Galli⁴. Et in evidenciam omnium premissorum ipsis presens instrumentum fieri feeimus sigillo curie ac sigillo proprio communitum. Datum Constancie anno domini M°.CCC°.IX°. non. iulii, indic. VII^a.||
Nos officialis curie Constanciensis in evidenciam premissorum ad peticionem .. abbatisse et conventus monasterii antedicti sigillum curie Constanciensis presentibus duximus appendendum.

Source Fulltext: Chartularium Sangallense V, Nr. 2724, S. 166-167.