Minem genedigen herren von gottes gnaden dem apte II von sante Gallun¹ enbute ich her Hannes von Clingen||berg² minen willigen vnd^a) getruwen dienst an allen || dingen. Herre ich bit vch flisseclichen, das ir dv guter, dv do genemmet sint des Ko^vfmans hůbe, Bra^emilins hůbe, O^vwenhouen³ vnd Euenhouen⁴, dv min vatter selig her V^olrich vnd ich von vch ze lehene hant, gůnnent ze habende minem swâger hern Hainrichen von Homburg⁵, wan dv han ich im gesezzet ze pfande vmb sehs vnd drissig mark silbers, die ich im sol von rehter hainsture miner swester siner elicher wirtin. Dirre brief wart geben vnd besigelt vnder minem insigele ze Costenz, do man zalte von gottes geburte druzehen hundert jar vnd dar nah in dem funfzehenden jare, an dem nehsten zinstage nah sante V^olrichs tag.

Source Fulltext: Chartularium Sangallense V, Nr. 2935, S. 284.