Hainr. dei gratia abbas monosterii^a) sancti Galli² totumque capitulum loci eiusdem omnibus || presencium inspectoribus geste rei notitiam cum salute. Ne actiones et tractatus inter homines || mutuo celebrati labili hominum memoria occasionem prestante possint aliqualiter inpugnari, expedit || gesta hominum, ut aguntur, scripti serie perhennari. Ad singulorum igitur et omnium notitiam volumus presentibus pervenire, quod nos provida deliberatione prehabita tociusque capituli de consensu vineam sitam in monte dicto Ymmenberge³ et dicto am Stuzze, quam honor(abilis) in Christo domina abbatissa .. de Ta^ennikouen⁴ et conventus ibidem pro discreta domina Elizabet de Sunnenberge⁵ iuste et rationabiliter conparaverunt, et decimam, que singulis annis colligitur de huba dicti Hubars, decimamque, que singulis annis congregatur de huba nominata ze Burrevelden⁶, quas decimas abbatissa et conventus prefatus pro Růdolfo dicto in der Gassun, C. dicto Traber, Eber. dicto bi dem Bach, H. dicto Dobenan^b) et pro Valtino dicto Dobenan^b) de Gundolzhusen⁷ iuste et rationabiliter conparaverunt, observata forma verborum in empcione dicta debita et consueta, de manu prefate de Sunnenberge vineam prefatam recepimus ab eadem liberaliter resignatam, decimasque sepe nominatas de manibus predictorum similiter recepimus liberaliter resignatas, et vineam cum decimis prefate abbatisse et conventu^a) in Ta^ennikouen subsequenter in iustum feodum concessimus censuale, ut singulis annis nobis et monasterio nostro in festo beati Galli unum fertonem biperis de vinea prefata et unum fertonem de decimis solvere studeant ex feodo memorato, dictam eciam vineam una cum decimis, cum voluerint, sine inpedimento nostro possunt vendere obligare vel alienare, prefato censu nobis et ecclesie nostre tantummodo reservato. In cuius rei evidentiam et certitudinem nos H. dei gratia abbas monasterii prefati sigillum nostrum una cum sigillo capituli presentibus inpendimus, ne inposterum a nobis vel a nostris successoribus possint aliqualiter infringi. Dat. apud sanctum Gallum, anno domini M°.C°C°C°.XVI°. IIII°. non. marcii, indic. XIIII^a.

Source Fulltext: Chartularium Sangallense V, Nr. 2960, S. 294-295.