Coram vobis discretis viris magistro Hainrico de Rotungen in causa super ecclesia Mo^erish(usen) et iurepatronatus || ipsius ecclesie iudice ab honorabili in Christo .. vicario reverendi in Christo patris ac domini Gerh. dei gratia Constan(tiensis) episcopi || in spiritualibus et temporalibus generali specialiter delegato mota inter Wilh. dictum im Turne ex una, honor(abilem) in Christo || .. abbatem et conventum monasterii sancti Galli ac Eberh. dictum Seler sacerdotem ex parte altera, lite contestata prestitoque iuramento calumpnie et veritatis dicende per Berth. viceplebanum in Mo^erishusen procuratorem Wilh. predicti et magistrum Hainr. de sancto Gallo canonicum ecclesie sancti Johannis Const(antiensis) procuratorem .. abbatis et conventus monasterii sancti Galli predictorum, ponit Berhtoldus viceplebanus predictus posiciones subscriptas. Et primo, quod iuspatronatus ecclesie predicte annexum est curie in Mo^erishusen dicte der kelnhofe. § Ad istam magister Hainr. de sancto Gallo syndicus et procurator .. abbatis et conventus predictorum, affirmando^a), quod sic. § Item quod a tempore, quod in contrarium alicuius memoria non existit, ipsum iuspatronatus dicte curie fuit annexum. Respondet affirmando, quod sic. § Item quod nunc .. abbas et conventus monasterii sancti Galli presentatores predicti Eber. ipsum iuspatronatus dicte curie eodem tempore, quando ipsam curiam tenuierunt^b) et possiderunt tamquam suam, asserebant et adhuc asserunt ipsi curie annexum fore. § Hanc etiam confitetur. § Item quod curiam prefatam titulo vendicionis cum intencione transferendi iuspatronatus .. abbas et conventus predicti rite et legitime in Hainr. et V^olr. fratres dictos de Vrzach¹ auctores predicti Wilh. sollempniter transtulerunt. § Hanc etiam contitetur, quia instrumentum vendicionis² habet hoc. § Item quod nunc dominus .. abbas monasterii sancti Galli post eandem vendicionem accessit ad villam Mo^erishusen et convocatis incolis eiusdem ville et aliis quam pluribus fidedignis sollempniter ibidem publicavit, curie predicte iuspatronatus ecclesie in Mo^erishusen annexum fore et eandem curiam ex titulo vendicionis predicto pro certo precio translatum esse per .. abbatem et conventum monasterii sancti Galli de consensu et auctoritate episcopi Const(antiensis)³ in Hainr. et V^olr. predictos. § Respondet affirmando, quod sic. § Item quod ibidem post publicacionem eandem Hainr. et V^olr. predicti tradicionem et possessionem corporalem eiusdem curie a nunc .. abbate predicto ex causa eiusdem vendicionis acceperunt et eandem quiete et pacifice tenuierunt^b) cum schoposa dicta dez Do^erflingers schv^opůs, quam dicti venditores annexam esse curie predicte asserebant. § Respondet affirmando, quod sic. § Item quod in patrem predicti Wilhi. predictum Ru^edgerum Hainr. et V^olr. predicti medietatem curie et schopose predictorum^b) cum omnibus pertineneiis eisdem annexis, sicut iidem V^olr. et Hainr. a dictis venditoribus receperunt, pro indiviso transtulerunt. § Credit, quod sic. § Item quod .. pater ipsius Wilh. Ru^edgerus in Turri post translacionem dicte medietatis predietam quiete et pacifice ipsas curiam et schoposam cum iurepatronatus ecclesie in Mo^erishusen unâ cum eisdem H. et V^olr. pacifice tenuit et possedit. § Credit etiam respondet, quod sic. § Item quod communiter post translacones^c) predietas Hainr. V^olr. et Wilhs. predicti habiti et denominati fuierunt^b) patroni ecclesie in Mo^erishusen. Respondet, quod sic. § Item quod H. V^olr. et Ru^edgerus predicti mortui sunt. Requisitus^d), quod sic. § Item quod ipsis H. et V^ol. defunctis H. et V^oI. filii eiusdem^e) V^oI. legitimi et naturales iure hereditario in curia, schoposa et iurepatronatus predictis successerunt. § Respondet, quod sic. § Item quod Wilh. predictus et Ru^edgerus frater suus prefato quondam Ru^edgero patri ipsorum iure hereditario in curia schoposa et iurepatronatus predictis successerunt. § Respondet, quod sic. § Item quod H. et H.⁴ predicti post premissa omnia partem pro indiviso ipsis in curia et schoposa predictis pertinentem transtulerunt cum omnibus, que ipsis ratione dicte curie seu schopose pertinebant quocumque modo, in Wilh. predictum et Ru^edgerum fratrem suum. § Respondet, quod credit eam esse veram. § Item quod post premissa Ru^edgerus frater ipsius Wilh. in ipsum Wilh., quidquid iuris habuit in curia et schoposa predictis pertineneiis et annexis, sollempniter transtulit in eundem Wilh. § Respondet affirmando et eam esse veram. § Item quod ipse Wilh. post omnia premissa quiete et pacifice curiam schoposam et iuspatronatus tenuit possedit et quasi possedit tamquam sua. § Respondet, quod credit, quod sic. § Item quod exinde^f) communiter habitus et denominatus et etiam fuit patronus ecclesie in Mo^erishusen. § Respondet, quod sic. § Item quod post hec vacante ecclesia in Mo^erishusen ultima vacacione ipse Wilh. fratrem suum Ru^edig. predictum loci ordinario pro rectore tempore debito, hoc est infra quadrimestre tempus a tempore vacacionis predicte conputandum, manualiter presentavit. § Respondet, quod credit eam esse veram. § Item quod ipse Ordinarius videlicet nunc dominus G. domino Hainr. de Werdenberg suo vicario mandavit ibidem presenti, ut ad eandem presentacionem dictum Ru^edgerum de dicta ecclesia investiret. § Respondet, quod credit eam esse veram. § Item quod ipse dominus H. ad mandatum predictum prefatum Wilh. nomine fratris sui Ru^edgeri de ecclesia canonice investivit ante motam litem inter predictum Eber. et Wilh. predictum. § Respondet, quod credit eam esse veram. § Item quod ab eo tempore, quod in contrarium alicuius^g) memoria non existit, predicta curia districta et singularis possessio fuit, censebatur et habebatur communiter apud omnes incolas et vicinos^h) ville in Mo^erishusen. § Credit, quod sic. § Item quod ius advocaticium curie predicte pertinet Wilho. predicto et ab antiquo pertinuit cum iurisdictione temporali et honore iudicandi universitatis hominum predicte ville monasterio predicto pertinentium. § Respondet, quod credit eam esse veram quo ad sturas et violentias. § Item quod ipse Wilh. et sui predecessores fuierunt^b) hactenus inconcusse pacifice et quiete in possessione iuris advocaticii districtus et honoris predictorum. § Respondet, quod sic, ut prius. § Item quod possessiones, si quas adhuc monasterium sancti Galli habet et possidet in villa Mo^erishusen, singulares sunt possessiones et bona singularia et ab eo⁵ tempore, quod in contrarium alicuius memoria non existit, singulares fuierunt^b) possessiones distincte divise et singulariter denominate, a predicta curia non conprehense sub nomine predicte curie. § Respondet, quod monasterium^k) ad hec^l) habet suos reditus singulares possessiones et distrintos^m). § Item quod eedem possessiones et bona singularia semper suos habuierunt^b) cultores, qui censum singulariter de eisdem possessionibus ab antiquo statutum dicto monasterio exsolverunt. § Respondet, quod credit eam esse veram. § Item quod dicta curia singulariter habet et habebat colonos et cultores, quibus sine consequencia predictarum possessionum, quas adhuc ipsum monasterium possidet, sub certo annuo censu locatur et ab eo tempore, quod in contrarium alicuius memoria non existit, locabatur. § Credit eam. Item quod de premissis est publica vox et sana. § Credit eam. § Item quod predicta ecclesia in Mo^erishusen est Const(antiensis) dyocesis. § Respondet dic.ⁿ⁾, quod sic. § Non tamen astringit se ad probandum omnia premissa, sed sue intentioni tantum necessaria.

Source Fulltext: Chartularium Sangallense V, Nr. 2964, S. 297-299.