Allen, die disen brief ansehent oder ho^erent lesen, kvnde ich Cv^onrat Appe burger ze Kostentz, daz ich minv aigenne gu^eter des To^elsers hofe¹, des Roten gůt², den hofe ze || Na^enkers berge³ vnd^a) den hofe ze Grůbe⁴, dv gelegen sint bi der burk ze||
Stainach⁵, vnd mit allem, so dar zů geho^eret, es sien a^egger oder wisan mit grvnde mit wasen mit zwi || mit holtz vnd mit uelde, ez sie genemt oder vngenemt gesůchet oder vnges^ocht, es sie disont oder ennant Rins⁶ gelegen, swie es genemt oder swa es anderswa gelegen si, || vnd alles daz ich ko^vffet habe vmbe hern Růdolf sa^eligen von Stainach⁷ ritter vnd dv ich vro Annvn miner elicher wirtinne ze rehter widerlegvnge ir hainstur⁸ geben habe vnd den erba^eren luten Hainrich dem Kelner vnd Vo^elkin sinem brůder burgern von Costentz minen swagern an der uorgenemten vro Annun miner elicher wirtinne stat von dem uorgenemten hern Růdolf reht vnd redelich fur rehtu aigenu gu^eter als rehten vnd getruwen tragern geuertiget vnd geantwrtet wrden, den erba^eren luten Hainrich dem Spiser vnd Snewisse dem jvngen burgern ze Costentz⁹ fur rehtu aigenu gu^eter vmbe fvnf vnd vierzig vnd zwaihvndert pfvnde gůter Pfenninge Costentzer mvnsse reht vnd redelich mit^b) der uorgenemter Hainr. vnd Vo^elkins miner swager uerhengde hant willen vnd gvnst uerko^vffet habe vnd uerko^vfe an disem briefe, vnd daz ich der selben Pfenninge an beraitem vnd gezeltem gůt gar vnd ga^entzlich gewert bin vnd in mine eha^eftigen nutz bekert habe. Ich uergihe o^vch, daz ich vnd die uorgenemten mine swager der uorgenemten gu^eter vnd alles, so dar zů ho^eret, reht wern sulen sin, vnd daz ich vnd die selben mine swager vns alles des rehtes vnd aller der ansprache, die wir ze den selben gu^etern vnd allem dem, so dar zů ho^eret, vntz uf disen hutigen tag gehebt haben, uerzigen haben vnd vns o^vch reht vnd redelich uerzihen mit disem briefe, vnd daz ich vnd die uorgenemten min swager alles, daz da uor geschriben stat, getan haben mit worten mit werken vnd mit geta^eten, die dar zů von reht oder uon gewonhait notdurftig sint vnd warent, vnd ze ainem waren vrkvnde vnd sta^eter sicherhait aller der dinge, so dauor geschriben stant, so gibe ich vnd die uorgenemten min swager für vns vnser erben vnd nachkomen den vorgesprochenen Hainrich vnd Snewissen disen brief besigelt mit vnseren insigeln. Wir o^vch die uorgenemten Hainrich der Kelner und Vo^elki sin brůder ueriehen offenlieh vnd tv^eien kvnt allen, die disen brief ansehent oder ho^erent lesen, daz alles, daz dauor geschriben stat, war ist vnd mit vnserre uerhengd hant willen vnd gvnst geschehen ist, vnd daz wir der uorgenemten gu^eter vnd alles, so dar zů geho^eret, mit dem uorgenemten Cv^onrat Appen vnserm swesterman reht wem svlen sin fur aigenv gu^eter, vnd daz wir daz getan haben durh bet der uorgenemten vro Annvn vnserre swester, vnd ze ainem offenne urkvnde vnd sta^eter sicherhait aller der dinge, so da uor geschriben stant, so geben wir den uorgenemten Hainrich vnd Snewisse disen brief mit vnseren insigeln besigelt, dar an o^vch des uorgenemten Cv^onr. insigel^c) gehenket ist. Diz geschach vnd dirre brief wart geben ze Costentz, do man von Cristes geburt zalt drvzehenhvndert jar vnd dar nach in dem zwainzigosten jar, an sant Gregorien tag, in dem dritten jar Romer zinsiar.

Source Fulltext: Chartularium Sangallense V, Nr. 3080, S. 379-380.