Universis Christi fidelibus, ad quos presentes pervenerint, Johannes de Munchwile¹ miles noticiam subscriptorum. Noverint, quos nosse fuerit oportunum, || quod ego receptis decem et septem libris denariorum monete usualis a Johanne filio Chůnradi dicti de Mullo^vwe² michi condicione servili pertinentem^a) ipsum || ab eadem Servitute liberum^b) et omni iure, quod michi competiit in eodem, ob honorem sanctorum martirum Felicis et Regule monasterio abbacie Thuricensis³ do||navi atque tradidi et presentibus trado et ad maius altare eiusdem monasterii presente venerabili domina Elizab. dei gratia iamdicti monasterii abbatissa⁴ resignavi et ipsum a mea potestate, manu, dominio et ab omni condicione et gravamine operis et operarum penitus libero et eximo, remittens ei omne ius patronatus, ita quod generalem habeat amministrationem rerum suarum et quod possit emere, vendere, donare, contrahere, pacisci, in iudicio stare, testamentum facere et omnia et singula exercere, que quilibet civis monasterio predicto pertinens facere potest, ac si de ancilla ipsius monasterii natus esset. Et promitto pro me meisque heredibus et successoribus dicto Johanni pro se et suis heredibus et omnibus ex eo descendentibus stipulante, predictam donacionem, tradicionem et omnia et singula suprascripta perpetuo firma et rata habere et non contra facere vel venire per me vel per alium aliqua causa ingenio de iure vel de facto. In cuius rei evidenciam presentes litteras eidem Johanni et prefate .. domine abbatisse nomine dicti monasterii meo sigillo patenter trado communitas. Dat. Thuregi anno domini M°.CCC°XX°. pridie nonas maii, indictione III^a, presentibus Růd. de Lunkuft⁵ milite, Burk. Swartzen, Johanne Futschin, Johanne et Burk. Schaflin, Jacob Brun, Chůnr. an der Schupf⁶, H. Pilgrin et aliis quampluribus fidedignis.

Source Fulltext: Chartularium Sangallense V, Nr. 3091, S. 388.