Wir Hiltpolt von gotes genaden apt des gotzhus von sant Gallen¹ kunden vnd vergiehen allen den, die || disen brief sehent, lesent oder ho^erent, das fur vns kamen Hiltpolt vnd Walther von Bychhelnse² gebrůder vnd || in vnser hant vns vf gabent willeclich vnd frilich disu nach geschriben go^eter mit allem dem, so dar zv^o geho^eret, || es sige genemt vnd vngenemt, gesůcht ald vngesůcht, vnd mit allen rechten, mit aller ehaefti, so dar zv^o geho^eret, vnd sint das disu go^eter, der ober kelnhof in dem dorfe ze O^etthenhusen³, der von vns vnd vnserm gotzhus lehen ist, mit getwingen vnd baennen, mit akkem, mit wisen, mit holtz, mit velde, mit aller gewaltsami, so zv^o dem selben dorfe ze O^etthenhusen oder hof ho^eret, an die lute ze dem selben dorfe, die die vor genemten gebrůder Hiltpolt vnd Walther von Bychhelnse inen selber behaltent vnd behabent, vnd den nidern kelnhof in dem selben dorfe ze O^etthenhusen, an den zins, den frv^o Anna von Werdegge⁴ vf dem selben nidern kelnhof wartent ist zv^o dem vor genemten dorfe ze O^etthenhusen. Wir apt Hiltpolt da vor genemte vergiehen och, das fur vns kam Egli von Bychhelnse⁵ mit sinem vogt Johans von Lantsperg⁶, der vor genemten Hiltpoltz vnd Walthers brůder, wan der selbe Egli von Bychhelnse tail vnd gemainde hatte an den vor geschriben go^eter, vnd der selbe Egli von Bychhelnse vnd sin vogt Johans von Lantsperg in vnser hant vns vf gabent frilich vnd willeclich du vor geschriben go^eter in dem dorfe ze O^etthenhusen, als da vor geschriben stat, vnd hatten sie alle vns, das wir du vor genemten go^eter lihen ze rechtem lehen den erwirdigen luten hern Hartman von Baldegge⁷, hern Růdolf von Ramswag⁸, hern Eberhart von Eppenstain⁹, hern Johans von Munchwile^a)10 rittern vnd Andres von Willeberg¹¹ knecht, das wir och getan haben vnd mit disem brief lihen vnd gelihen haben du vor geschriben go^eter ze O^etthenhusen ze rechtem lehen mit allem dem, so dar zv^o geho^eret, als da vor geschriben stat, den vor genemten rittern hern Hartman von Baldegge, hern Růd. von Ramswag, hern Eber, von Eppestain, hern Johans von Munchwile^a) vnd Andres von Willeberg. Vnd ist diz alles beschehen mit allen den worten vnd werken, so dar zv^o notdurftig was vnd als recht, sit vnd gewonlich was von recht ald von gewonhait, vnd das diz alles war sige vnd staete belibe, dar vmbe so geben wir apt Hiltpolt da vor genemte disen brief besigelten mit vnserm insigel. Wir die vor genemten Hiltpolt, Walther, Egli von Bychhelnse gebrůder vnd Johans von Landsperg des vor genemten Eglins vogt vergiehen ain gantz warhait aller der vor geschriben ding(en). Vnd ze ainer merer sicherhait, das sie war sigen vnd staete beliben, dar vmbe so henken wir och vnsru insigel an disen brief. Diz beschach vnd wart dirre brief geben, do man zalt von gotz geburte druzehen hundert jar, dar nach in dem zwai vnd zwainzegosten jar, an dem naechsten zinstag nach vs gaenter oster wuchhen.

Source Fulltext: Chartularium Sangallense V, Nr. 3153, S. 429.