Hiltpoldus dei gratia abbas monasterii sancti Galli¹ universis presens scriptum intuentibus subscripte rei noticiam cum salute. Cautum est, ad perpetuam firmitatem acta hominum, || ne falsis machinacionibus pervertantur, scripturarum testimonio perhennari. Noverint igitur, quos nosce fuerit oportunum, quod cum Rv^edegerus de Werdegga² ius advocacie trium arearum et possessi||onum denominatarum Hvglis gůt in villa Adoltswile³, que quondam dicebantur der Webron gůt, solvens singulis annis nomine advocacie^a) decem et octo solidos denariorum || monete Thuricensis cum quatuor pullis, a nobis nostroque monasterio iure feodali possessum, quod ad nos racione nostri monasterii titulo proprietatis pertinere dinoscitur, honorandis in Christo viris religiosis .. abbati et conventui monasterii Rvtinensis⁴ ordinis Premonstratensis pro certa peccunie summa videlicet XXV librarum denariorum Thuricensium vendiderit⁵ et id ad manus nostras rite et racionabiliter resignaverit, peciit humiliter et devote, eidem vendicioni et translacioni nostrum asscensum^b) et consensum expresum^b) interesse et ut prefatis religiosis ius predicte advocacie cum dictis possessionibus et areis et omnibus suis pertinenciis et iuribus universis iure hereditario concedere dignaremur. Nos igitur diligenti deliberacione et consilio quorum intererat prehabito utilitate nostri monasterii pensata prefati Rv^edegeri precibus inclinati iam dictum ius advocacie dumtaxat super areis et possessionibus prenotatis cum agris, pratis, silvis, domibus, pascuis, censibus, aquis, ingressibus, egressibus omnibusque suis pertinenciis et iuribus universis, quocumque nomine seu titulo censeantur, sepedictis religiosis .. abbati et conventui monasterii in Rvti ordinis Premonstratensis sub annuo censu videlicet dimidie libre cere ponderis Thuricensis, quod in vulgari dicitur cinslehen, singulis annis in festo beati Galli nostro monasterio persolvendo concessimus et contulimus et presentibus concedimus et conferimus rite et legitime sine quolibet honere quiete et pacifice iure hereditario perpetuo possidendum, adhibita nichilominus in dicta collacione nostra verborum et gestuum sollempnitate debita et consueta. In horum itaque evidenciam et testimonium et maioris certitudinis firmitatem hoc presens instrumentum sepedictis religiosis nostri sigilli munimine tradidimus et tradimus communitum. Datum et actum in Wila⁶, anno domini M°.CCC°.XXII°. III°. non. augusti, presentibus hiis testibus videlicet domino R. vicario in Wangen⁷, Jo. de Lindenberg⁸ militi^b), Amur de Horwon⁹, Jo. et V^oI.||
de Munchwil¹⁰, C. de Sternegga¹¹, Jo. de Albreswile¹² et aliis fidedignis.

Source Fulltext: Chartularium Sangallense V, Nr. 3165, S. 436-437.