In nomine domini amen. Anno eiusdem millesimo CCC°XXV°. XI. kal. maii, indict. VIII^a. Nos magister V^olr. || thesaurarius ecclesie Thuricensis¹ iudex ab honorabili domino .. abbate monasterii sancti Georgii in Nigra Silua² iudice unico || a sede apostolica delegato subdelegatus universis presencium inspect(oribus) noticiam subscriptorum. Cum in causa mota || inter hon(orabiles) in Christo .. abbatem et conventum monasterii sancti Galli ex una, Johannem, Růd. et Chůnr. fratres dictos Billung cives in Isnina³ ex parte altera, citatis coram nobis partibus principalibus antedictis, libello nobis porrecto et per nos ipsis reis ex parte actorum predictorum responsioneque ad ipsum libellum subsecuta et lite super ipso legittime contestata, recepto etiam a partibus antedictis seu procuratoribus partium calumpnie et veritatis dicende sacramento receptisque^a) testibus iuratis in dicta causa hincinde productis et eorum attestationibus publicatis conclusoque in causa et predictis partibus ad audiendum nostram diffinitivam sententiam citatis iurisque ordine in omnibus observato, quia invenimus predictos .. abbatem et conventum intentionem suam legittime probavisse, de consilio peritorum dei nomine invocato prefatos Johannem, Růd. et Chůnr. ad solvendum et ad assignandum mortuarium pro quondam R. Billung patre suo curie villicatus in Wangen⁴ pertinente ipsis .. abbati et conventui ac suo monasterio in hiis scriptis sententialiter condempnamus, inhibentes eisdem reis, ne decetero prefatos .. abbatem et conventum in eisdem mortuariis per nos ipsis adiudicatis per se vel per alios quoquomodo impediant vel molestent, condempnantes nichominus^b) eosdem reos in expensis in lite factis, quas dicti .. actores vel eorundem procurator taxatione nostra prehabita suo optinuerit^c) iuramento. Lata et lecta est hec sententia per nos in ambitu ecclesie Thuricensis, anno die et indict. prenotatis.

Source Fulltext: Chartularium Sangallense V, Nr. 3241, S. 486.