Wir Hiltpolt von gottes genaden apt¹ des gotzhus ze sant Gallen kundent allen dien, die disen || gegenwurtigen brief ansehent, lesent oder ho^errent lesen, das Egli von Bichelnse² kam an den lant||tag ze Hafnerun³ vnd ansprah Hainrichen den Ko^vfman von Wil⁴ vmb das gut ze Nider Burren⁵, da er || vffe vor von dem lantgeriht angelaitet was, vnd bede veriahent, das es von vns vnd vnserm gotzhus lehen were, do wart inen mit gesamneter vrtailt ertailet, das si vor vns reht nement nah lehen reht ze den drin nahgeschriben tagen, des ersten ze Porterbu^el⁶, dar kam Egli von Bichelnse nut vnd laist H. der Kofman den tag, do wart im ertailet mit gesamneter vrtailt der ander tag ze dem Kruzze⁷, dar kam Egli von Bichelnse nut, den||
tag laist der Koman^a), do wart im ertailet mit gesamneter vrtailt der dritte tag in die phallenz, dar kament si bede vnd staltent sich mit fursprechen fur vns, vnd wart H. dem Ko^vfman mit gesamneter vrtailt ertailet, das wir im gebent ainen anlaiter, der in^b) nutzlich gewer sasste vff das vorgenemte gůt ze Nider Burren, do gabent wir im H. von Meldeg⁸ ze ainem schinbotten vnd ze ainem anlaiter, das der in in nuzlich gewer sasste vffdas vorgenemte gůt. Vnd das dis alles war si vnd sta^et belibe, so gebent wir der vorgeschriben Hiltpolt von gottes genaden apt des gotzhus ze sant Gallen disen brief besigelt mit vnserm insigel ze ainem vrkund der vogeschriben^a) warhait. Das beschah vnd wart dir brief gegeben ze sant Gallen in vnser phallenz an dem na^ehsten fritag nah sant V^olrichs tag, do man zalt von gottes geburt druzen hundert vnd funf vnd zwantzg jar.

Source Fulltext: Chartularium Sangallense V, Nr. 3256, S. 499.