Allen, die disen brief sehent oder ho^erent lesen, kunden wir her Niclaus von Fro^vwenvelt probst || der kilchen ze Emberrach¹, das wir die hofstat der vorgenanden kilchen, du gelegen ist ze || Emberrach in dem kilchhof, da her Johans Geueterli||
vnser korherre ein hus vf gebuwen hat, vf || der selben hofstat o^vch die grauen von Toggenburg² hie vor ein hus hatten, du einhalb stozet gegen dem grossen tor an dem kilchhof an des Bechiners gadems hofstat vnd oberthalb gegen dem vmbegange an die hofstat .. des Peijers gadems, mit allem rechte, so zů der vorgenanden hofstat geho^ert, vnd als si die herren von Toggenburg hie vor hatten, verlihen haben vnd verlihen an disem brieve ze der vorgenanden vnser kilchen wegen dem vorgenanden hern Johanse Geuetterlin vnd sinen erben vnd nachkomen vmb einen steten eins jerlich einen halben mut kernen ze sant Martis tult der vorgenanden vnser kilchen||
ze gebenne. Vnd sol o^vch er vnd sin nachkomen dis vorgenanden hofstat han vnschedelich den andern hofstetten vnser kilchen, die dar an stôzent, an alle geuerde. Were o^vch, daz her Johans Geueterli oder sin nachkomen daz vorgenande hus vf der hofstat verko^vfen wolten, swem sis danne verko^vffent, dem suln wir die hofstat lihen vmb den vorgenanden eins, also mit namen, daz wir nicht me danne einen pfenning oder zwene ze dem meisten zu dem vorgenanden cinse dar vf setzen svln, ob wir sin nit entwesen wellen, vnd binden o^vch vnser nachkomen, diz stete ze hanne. Vnd hier vber||
ze einem waren vnd vesten vrkunde, wan o^vch vnser capitel mit gemeinem rate die vorgenanden hofstat verlihen hat dem vorgenanden Johansen Geueterlin, so haben o^vch wir disen brief mit vnserem insigel besigelt offenlich. Dirre brief wart geben ze Emberrach an dem nechsten cinstage vor sant Jacobs tult, do von Cristes geburte waren drucehen hvndert jar vnd dar nach in dem funften vnd zwenzigosten jare.

Source Fulltext: Chartularium Sangallense V, Nr. 3259, S. 500.