Allen die, die disen brief lesent oder ho^erent lesen, kund ich Růdolf der Maier von Altsteten¹, das ich gesworn hab ainen || gelerten ait ze dien hailigen, das ich die burg ze Altsteten, du min pfant ist, antwurten sol minem erwirdigen herren abet || Hiltpolten von sant Gallen² oder sinen nahkomen, swenne si es můtent, also das es mir an minen pfendern nut schade sie, du || ich zů der burg ze pfande han, swenne aber min vorgenemter herre abt Hiltpolt oder sine nahkomen die burg nit mer^a) gebruchen, so sol ich si wider in nemen vnd sol si behu^eten vnd beswarn, mit allen dingen als o^vch vor. Vnd ze ainer meren sicherhait alles des da vorgeschriben stat, henk ich min aigen insigel an disen brief. Der wart geben ze sant Gallen, do man zalt von gottes geburt^b) druzehen hundert vnd sehs vnd zwainzig jar, dar nah ze ingentem brachet.

Source Fulltext: Chartularium Sangallense V, Nr. 3290, S. 519.